Liksomkjole… (Ikkje alle nettkjøp er like heldige!)

Happy Dress Makers

Er det i dag eg skal prøve meg som motebloggar? Neida, slapp av, det skal eg slettes ikkje. Men eg måtte berre dele dette… Eg har handla ein del på Etsy dei siste åra, og stort sett har eg vore veldig fornøgd, men denne gongen vart det nesten komisk! Denne kjolen fall eg nemleg litt for, og tenkte at den ville vere super å ha framover. I klesskapet mitt finn eg mange slags kvardagskjolar eller tunika, og eg likar best å gå med det over tightsen. Og her var det altså ein kjole som passa perfekt til formålet, til årstida og til den veksande magen. Flott! Og det gjekk heller ikkje lenge før den kom i posten, slik at eg raskt kunne slenge den på meg…. Sjå berre her:

Haha! Ikkje akkurat kjolelengde på denne! Men greit nok, eg skal kjøpe meg ei bukse ein dag, og då kan det jo vere greit å ha ein genser… ;) (Beklager bildet, forresten! Det er jammen ein kunst å fotografere seg sjølv, og akkurat det har eg svært lite trening i…) Men eg gir ikkje opp nettkjøpa mine så lett, og eg har funne fleire fine klede eg ønskar meg. Klikk på bilda for å komme til butikken! Det er forresten ein ting som er veldig påfallande når eg søker etter maternity dress på Etsy… Då er nemleg halvparten av produkta fotografert med liknande tresmykker som det øverste, og frå butikkar i Kina! Min genser hadde ein fransk lapp på seg då den kom, og såg ut som den var sendt frå UK. Jaja...

Toad in a Tree

Original Style Shop

Lukke til med dine nettkjøp..!

Heilt eventyrleg

Tell Me A Story Activity Set - The Small Object

Story Stones - Crafting Connections

Ein sliten, liten gut sovna på sofaen i dag, etter ei vidunderlig lita stund. Vi la oss godt tilrette på putene han og eg, og då han låg der i armkroken min var det nesten så vi låg nase mot nase. Mjuk og god, er han. "Mamma, no må du fortelle ei historie", seier han, og eg tenker meg om. Ja, eg vil gjerne fortelle eit eventyr, og treåringen ligg og frydar seg over historia om Gullhår, fantasifullt overbrakt og fargelagt, men utan andre bilder enn dei han sjølv kan skape inni seg. Han er trøytt, men eg måå fortelle ei historie til! Ei om det store, skumle trollet! Og eg fortel om trollet, det som var så stort og stygt, med ei lang og krokete nase og alt som høyrer til. Han nyt stunda, og det gjer eg òg. Etterpå syng eg for han. Stille og fint ligg vi i sofakroken, og medan eg syng vakre, gamle songar, fell han i søvn. Sliten etter gårsdagens og dagens påkjenningar. Slike stunder er gull!

Den Gode Historien

Eg har ei god venninne som er ein fantastisk forteljar, og ho held kurs slik at fleire kan lære å fortelle historier som berører og begeistrer. Alle som jobbar med menneske, og kanskje særleg alle som jobbar med barn, burde lære meir om korleis dei kan formidle gode historier. Så snart eg får sjansen er eg med! Klikk på bildet med den eventyrlege, vakre døra for å komme inn til Hege.

På skattejakt

Vi har funne ein skatt!! Det er ein heilt ekte skatt, altså, og den er verkeleg gull verdt! Djupt i ei skuffe, i ein skrøpeleg kommode, på eit bittelite rom på loftet i det gamle huset til mormora, morfaren og grandtanta mi, fann eg skatten. Det kunne nesten vore kva som helst, for eg kan love at det var skattar av mange ulike slag i det huset. Som kjærleiksbrev mellom to unge menneske i etterkrigsåra. Som finurleg skrivne kokebøker, med både oppskrifter og strenge reglar for oppførsel i kjøkkenet. Som fluffy småpikekjolar frå 50-talets Amerika. Som verktøy samla opp gjennom ein heil mannsalder. Som heimestrikka gensrar og smånips. Og meir til. Det er imidlertid forskjell på kva vi ulike menneska ser på som skattar. Og eg fann ein fin skatt som skal brukast og takast vare på i heimen min. Som skal halde minna om mi oldemor i live, og bringe latteren fram i store og små som frydar seg i fellesskap over skatten. Den er gøymt i ein gammal koffert, og ungane må spørre pent om å få låne den. Desse tinga skal ikkje bli liggande å slenge blant legofigurar og briotog!

Eg har funne nokre posar som innehaldt gamle hattar, briller, kragar og hanskar. Fantastisk! Ungane har leika i timesvis med desse tinga, og eg er glad. Heilt inn i hjartet mitt er eg glad. Glad for at desse tinga kan vere til glede. Glad for at dei bringer fram minner og historier om familien. Glad for at dei stimulerer fantasi og forteljarglede hos store og små! Moro! :)

Om du ikkje er så heldig å finne slike fantastiske arvestykker, kan du jo alltids leite på loppisar og bruktbutikkar. Og på  nettsider som for eksempel Etsy kan ein også kjøpe ingrediensar som trengs til ei god historie, fabulering om svunne tider og latter og fniseanfall i massevis... Eg trur eg må gå på skattejakt og finne fleire godbitar til kofferten vår! Enn så lenge har eg funne fram nokre eksempel til deg, og du kjem vidare om du klikkar på bilda. Lukke til!

 

Ta vare på dei fine stundene!

Etsyfavorittar i mint

Fold Over Vegan Clutch in Mint
via Milk and Honey Handbag


Mint Green Heart Stickers
via The Loveliest Details


Fox on a Bike
via Dark Cycle Clothing


Large Roll Top in Mint and Orange
via Tich Bags


Geometric Platter
via  Asleep From Day

Muligheitene er uendelege på Etsy! Eg fell for alt frå interiør og mote, til handarbeidsdilldall og friluftsutstyr. Gåver til meg sjølv og til mannen min. Og til ungane og bestemødrene og tantene og venninnene.... Og sikkert til naboane og hundane deira også, om eg ville. Og det kjem i postkassa fra heile verda. Eg meiner verkeleg frå heile verda. Eg har faktisk vore innpå tanken å begynne å samle på frimerke no, berre fordi den eine pakken frå kor-det-no-var hadde så mange vakre frimerke på seg! Men eg skal ikkje det. Samle på frimerker, altså. Men kanskje storejenta mi er interessert...? ;)

Ha ein inspirerande 1.mai!

Cloudy

via ImaginationKids 


via Louise Smurthwaite 

via Hellomilky 


via Laura Amiss

Ein gråvèrsdag i Trondheim, men snøen smeltar superfort, og eg er glad!
Ville berre vise fram nokre av mine mange favorittar på Etsy, og valgte skyer som tema i dag. Kanskje har du forslag til eit anna tema til ein annan dag? Klikk på bildet eller navnet for å komme til kjelda. :)

Kos deg!

Brodert mobilcover

Småtteri og pirk og dilldall og skjønnheit... I eit tidligare innlegg har eg vist fram eit mobilcover som verkeleg inspirerte meg. Faktisk inspirerte det meg så mykje at eg straks gjekk i denne butikken og handla det eg trengte for å komme igang (Oj, no var ho nesten utsolgt!). Enno ein ny hobby... Brodering denne gongen. Og heldigvis hadde eg eit knippe brodèrtråd i lekre fargar, som eg ein gong kjøpte inn for å knytte vennskapsband av. Noko eg enno ikkje har brukt dei til, men når eg no kjem på det så får eg litt lyst til å prøve det i kveld... Hmm, vi får sjå kva eg får tid til. ;) Friskt gult mobilcover til min Iphone, og med tråd i gul, lilla-, blå- og grøntonar. Og ein dæsj gull frå mormor si kjøkkenskuff. Frå då eg var med å tømme mormorhuset i påska. Rett og slett ein dæsj gull som sender tankane til mormor på sjukeheimen, og det er ganske fint å ha med! Det minner meg på at det er så mange nye ting som blir enno vakrare om ein tilfører ein dæsj historie. Ein spore til smil, minner og fantasi om kva som har vore og kan komme.

Dette prosjektet er imidlertid ei verkeleg tolmodigheitsprøve! Eg kunne sikkert strikka tre gensrar på den tida eg bruker på denne vesle dingsen. Og eg fryktar nesten at mobilen går ut på dato før det blir ferdig... Heldigvis er det fint sjølv om det er uferdig også! Eg har brodert etter innfallsmetoden, som er min mest vanlege framgangsmåte i mykje av det eg gjer. Det ordnar seg alltid, veit du! ;) Og noko av det som er litt morsomt med dette prosjektet, er all merksemda eg får. Folk stussar verkeleg over kva i all verda eg sit og held på med! Og så får eg så mykje skryt og oppmuntring når dei forstår det, og det er jo kjekt! Men best av alt er det at eg får kose meg med fargesamansetting og geometriske former. Skape noko som er både fint og brukande. Og tenk, heile denne hobbyen får plass i ein liten boks som eg kan ha med overalt! Perfekt å ha i hendene i pausen på jobben, for eksempel! :)

Takk for koselege helsingar på innlegga mine, forresten!
Det er verkeleg ei fryd å vere tilbake i bloggverda igjen!

Nyt kvelden!

Lett som ei fjør

Søndagen er på hell og vaffelrøra står på vent. Det har nesten blitt ein tradisjon for oss å ete vaflar til kveldsmat til barnetv på søndagskvelden. Det er så godt! Og etterpå går eg ofte på yoga, men i kveld kjenner eg at eg ikkje skal det. Eg skal berre vere heime, slappe av og kjenne at det er helg nokre timar til... 

Har du det sånn at du har fleire hobbylyster og hobbybehov enn du eigentleg har tid og plass til? Eg trur eg er på randen av ekstrem i så måte, og prøvar stadig ut noko nytt. :) Og då eg kom over verktøy til utskjæring av eigne stempel, ja då måtte det også prøvast. Moro! Utstyret er kjøpt på Etsy, og var veldig rimeleg i innkjøp. Og gummien eg lagar stempelet av, er vel kanskje berre eit digert viskelèr. Og sidan inspirasjonen allerede var på plass, var det berre å setje i gang, og eg vart rimeleg fornøgd med ferdigheitene også, om eg får seie det sjølv... ;) Eller kanskje det berre var nybegynnerflaks? Fjøra fekk i alle fall akkurat det lette, fine uttrykket eg var ute etter, og eg jublar! Vil lage fleire! :)

Ha ein fortreffeleg søndagskveld!

Vårkjolen er klar!

Bloggelysta har komt kastande over meg dei siste dagane. Det kan nok skuldast det fantastiske lyset som verkeleg er tilbake. Sola virkar akkurat som den skal, og sakte men sikkert smeltar snøen litt etter litt. Den er heilt kvit, sidan den fekk eit nytt lag for nokre dagar sidan, og lyset blir reflektert frå alle kantar. Eg elskar det! Eg elskar å komme inn i stova mi, få lys inn gjennom alle dei store vindua mine, kjenne varmen og energien sola gir. Halleluja - det er vår! :) Joda, eg blir nok litt våryr, men det skal ein jo også bli!

Eg har sydd ein sommarleg Sukkertøykjole frå sybloggerboka Made by me (2011), og dette er vel sånn cirka den femte varienten min, trur eg. Den er utruleg enkel å sy! Her har eg lagt inn eit biseband under puppane, for å markere eit litt smalare parti, og eg har brukt eit herleg, gammalt stoffstykke frå FrauSvensson på ermane med litt puff. Det er Ulla bak bloggen Lullaby & lala som driv den etsybutikken, og ho har så vanvittig mange fine retro/vintage stoff til salgs! Det tynne dongeristoffet (trur det kallast chambray) er mjukt og lett og godt, og det har eg funne på Stoff og stil. Symaskinene står framleis på stova. Eg trur eg kanskje må ta litt på dei i kveld igjen. Det er best å halde kontakten! ;)

Ha ein fortreffeleg og vårleg kveld!

Brodert mobilcover av Søhesten

På jakt etter nytt cover til telefonen min. Vurderte akkurat å kalle den meir enn det, men ga opp. Eg hadde verkeleg aaaldri trudd at eg skulle sette så stor pris på ein telefon. Den er verkeleg viktig i kvardagen min, og det er med skrekk og gru eg tenker på korleis det skal gå den dagen den plutseleg går i svart. Det brukar nemleg mine telefonar å gjere. Om ikkje dei forsvinn først... Men altså, nye mobilcover trengs i ny og ne, og eg verkeleg diggar dette coveret! Ikkje berre er idèen heilt fantastisk, men sjølve utforminga, fargane og formene er heilt nydelege! Vil ha! :) Du kan kikke nærmare på dette hos SØHESTEN, og der kan du også sjå mykje anna fint og kjekt! Om du klikkar på bildet kjem du direkte til innlegget med det broderte coveret. Link with love!

Okay, så tok eg ein bitteliten pause midt i blogginnlegget, heilt utan at du merka det, og fekk bestilt meg eit cover. Eg valgte gult. Og skal grave fram lekre fargar i broderiboksen min, og gjere dette til ein ny hobby. Herleg! :) Du kan sikkert kjøpe slike cover både her og der, men om du går inn på Etsy, kan du berre bruke søkefeltet for å leite fram nesten kva som helst som du treng til prosjekta dine!

Eller kanskje du vil fornye mobilen din på ein annan måte? Her kjem nokre få tips... Det fins tusenvis!

Maiko Nagao - gratis design til iPhone

The Ambitious Procrastinator

Unexpected Expectations

Neste gong velger eg kanskje eit gjennomsiktig cover. Eller eit kvitt igjen? Kjenner idèane strøymer på, og eeelskar den kjensla! Og ja, eg gjennomfører faktisk ganske mange prosjekt, sjølv om det berre er ein brøkdel av alle dei eg planlegg. Og ein brøkdel av dei eg gjennomfører kjem på bloggen. Kanskje eg skal skryte litt igjen snart? Men først skal eg skape. Og sove. Det er natta, men i morgon er det fredag! Igjen!!

Ha ein fortreffeleg fredag!

Ta den ring og la den vandre...

Det er så kjekt å sjå at så mange kjem innom bloggen min! Stas å sjå at besøkstala stig når det kjem innlegg, men eg er også audmjuk og glad for at så mange er innom i stille periodar også. :) Håpar det er verdt ventinga på nye innlegg... ;) Tusen takk, i alle fall!

Vil vise fram litt frå Eplabutikken min i dag. Men aller først ser de bilde av ein konvolutt med det nye, fine stempelet mitt på. Eg likar det så godt! :) For når ein driv butikk må ein jo ha eit stempel, som kan brukast både til å lage visittkort og på for eksempel konvoluttar, som her... Eg har også eit med navn og adresse på, men det må eg dyppe i ei stempelpute, og det er jo faktisk hakket meir dillete. Og eg likar det enkelt! Jøje meg, eg har jo uansett tusen ting, og syns faktisk det er utruleg praktisk at eg berre treng ein av dei for å stemple. ;) Stempelet har eg kjøpt her, og servicen var super!

Ny ring på fingeren? Eg vart veldig fornøgd med desse, og får mange fine kommentarar på den eg stadig går med. Litt annleis og veldig fin! Det kjem nok øyredobbar i samme stilen også etterkvart. 

No freistar sofakroken, og det blir nok utan handarbeid i hendene. Eg har akkurat vore innom Pickles og bestilt nokre garnpakkar, for ungane skal få fine nye vimpelgensrar før vinteren kjem, så det er nok berre å sette i gang snart! ;) Her i Trondheim har verkeleg hausten komt, og lufta er klar og lys og skarp og frisk. Eg likar hausten! Håpar det er haust leeenge enno! :)

Ønskar deg ein strålande mandagskveld!

Memory

via Lemon Tree Studio

Eg har så lyst å lage eit slikt spel! Var ikkje det ein utruleg fin og god og gøy idè?! Og heilt supert å ta med 6-åringen i prosessen! :) Bildet har eg funne hos Lemon Tree Studio på Etsy, men det var sjølvsagt på Pinterest at eg først kom over det. Sjekk ut Petit Poulou! Eg trur jammen eg må innom hobbybutikken og handle treknappar i dag! 

Ha ein god onsdag!

Lavendel + ull = gull

Det er haust og det er strikketid. Ullgenserane, ullbuksene, bodyar, trøyer og strømpebukser, strømper, luer og vottar...Ja, her i huset har vi i alle fall ull i veldig mange ulike variantar, og ganske mykje av denne ulla er freistande for ein aukande møllbestand. Så då er det berre å kjempe imot!

Eg har tenkt å lage lavendelposar sjølv, men måtte ein tur innom Etsy for å finne litt inspirasjon. :) Kanskje vil du også ha nokre gode idèar? Eller kanskje du rett og slett har lyst å shoppe litt? Etsy er uansett tingen!

 - Puter med heklebrikker på finn du hos Namolio

 - Kaninen finn du hos Pouch

 - Ugla finn du hos Ink me up

 - Klassiske lavendelposar finn du hos Gardenmis

Ha ein varm og god kveld!

Waldorfinspirasjon

1. Harepus - LoriNichols
2. Bitekjede - KangarooCare
3. Dukker - Pingvini
4. Sopp - Shroompers
5. Ballerina - Chestnutdolls
6. Filtsteinar - HouseofMoss

For ei vidunderleg skattekiste Etsy er!! Her kan eg bruke timesvis på å sjå dei nydelegaste ting og samtidig suge til meg enorme mengder inspirasjon! Når eg ser slikt får eg lyst til å sette meg å pusle med ting med det samme, og tanken på at eg for eksempel aldri har prøvd nålefilting før skremmer meg ikkje... Men eg er jo litt realistisk også, og erfaringane mine viser at eg faktisk ikkje får til alt så pent som eg forestiller meg det. I tanken ser det jo så fint og enkelt ut, men det er faktisk ganske mange ting eg heller burde kjøpe på Etsy. ;) 

Inspirasjon og skaparglede er gratis, heldigvis, men takk og pris for at det finnast kunstnarar der ute som kan lage nydelege ting til oss. La oss støtte dei og faktisk handle litt av og til, enten via Etsy eller Epla... Og syns du det er vanskeleg å finne fram? Du kan jo bruke søkeord, og gå ut ifrå dei bilda som du blir tiltrekt av. Og så går du vidare via favorittar. :) Lukke til!

Denne gongen søkte eg på Waldorf, og det er av den enkle grunn at eg i år sit i julemarkedskomitèen i Steinerbarnehagen vår. Vi skal jobbe for fullt dei neste månadane med å produsere, delegere, inspirere, motivere og lage til tidenes beste julemarked! :) Det er kjempekjekt!! Her kan du sjå dukkene eg laga til fjorårets marknad. Kanskje blir det liknande også i år? Du skal uansett få følge med på framgangen med dette enorme prosjektet som ein julemarknad er!

1. Reisedukker - FeeVertelaine
2. Silke - BeneathTheRowanTree
3. Dukke - Krasik
4. Søvning mor og baby - AsherJasper
5. Kaninfamilien - MaiseyHandmade
6. Julekrybbe - Softearthart
7. Mus i mjølsekk - GingerLittle
8. Kval - ImaginationKids

Eg kunne komt med veldig mange fleire forslag til butikkar å stikke innom, eller eg kunne valgt nokre heilt andre. I dag fekk du i alle fall eit lite utvalg, og eg håpar du kikkar deg litt rundt! :) Kos deg!

Tusen takk for alle superkoselege kommentarar eg får! Eg er innom kvar og ein av dykk innimellom, men tida mi strekk ikkje heilt til når eg planlegg å skrive ei helsing tilbake... Skal prøve å bli flinkare til det!

Ønskar deg ein super torsdagskveld!

For meg startar helga no, og det er deeeilig!!

Bryllaupsgåveidè

I dag er ein slappfiskdag i denne heimen. Sommarforkjølelsen er verkeleg over oss og under oss og rundt oss og inni oss... Og medan Lillebror tar ein forhåpentlegvis laaang (dvs minst 45 minutt!) formiddagsdupp, ser Storesøster film om Den Lille Moldvarpen på tv. Herleg, nostalgisk lyd å ha i bakgrunnen! 

 Eg har tidligare skrive om Moldvarpen HER!

Ser du kva eg har bilder av denne gongen? Hihi...det er ein by eg ganske nettopp har vore i.. 

Dette er altså eit kunstverk, som eg har fått tak i hos Studio KMO på Etsy.

Då vi skulle i bryllaup i Paris hadde eg så lyst å gi brudeparet ei gåve som betydde mykje, utan at den nødvendigvis skulle vere veldig kostbar. Mannen var fotograf i bryllaupet, og eg syns vel eigentleg at det i seg sjølv er ei fin gåve.. Men vi ville jo gi noko anna også, og då dei fekk bildet i handa her ein kveld, viste det seg at det var ein suksess! Eg kjenner knapt nok paret, og visste rett og slett ikkje kva slags stil dei har. Mannen kunne av ein eller annan grunn heller ikkje utdjupe dette så godt for meg... Hæ? Så då vi kom over dette bildet meinte vi at det måtte jo bli bra. Det vil jo skifte uttrykk etter kva slags ramme du vil ha på det, og det vil vere eit minne om ein flott dag. Og eg tok meg til og med den friheita å feste på eit bittelite raudt hjarte der sjølve festen vart halden.. Romantisk og fint og ei super bryllaupsgåve!

Om du har sterke minner knytta til ein spesiell by, hadde det vel kjekt å ha eit slikt kunstverk på veggen frå den byen? Ta ein titt innom butikken og sjå kva du finn! Kanskje er din eller dykkar by der også? :)

No skal det bli kaffe og sjokoladebit på meg og mormor, og sikkert på Storesøster også.. ;)

Ha ein fin dag!

Korleis finne fram på Etsy..?

1. Berties closet - grå elefantveske til laptop
2. Fine day press - valentinekort
3. Trafalgars square - "Reach for the stars"
4. designed DESIGNER - veggpynt
5. Helen Dardik - "Join the circus"
6. Lemon drop 09 - elefantkonfetti
7. Typewriter boneyard - leselampe av vintagebøker
8. Leatherprince - skinnetui til iPhone
9. by Marika - hekla koseelefant av organisk bomull

Det er ikkje alltid ein får gjort så mykje som planlagt. Ikkje tatt gode bilder i dagslys, ikkje sydd perfekte skjørt (æsj, eg må rekke opp og fikse på noko!), ikkje klipt opp og leika med stoffbitar... Men å leite etter ting på Etsy, det har eg ofte tid til. Og gjett om eg finn mykje inspirasjon!

Syns du det er vanskeleg å vite kor du skal leite, kanskje? Du kan for eksempel bruke søkefunksjonen, og skrive inn teknikk, designer, tema...osv. Denne gongen skreiv eg "elephant" og fekk side opp og side ned med stygge, fine, skjønne, klumpete og teite elefantar, og så må eg sjølv finne akkurat dei som eg likar.

Eg har fått meg ei lang liste med produktfavorittar og butikkfavorittar, og dermed kjem det opp masse gode tips til meg, valgt ut i fra det eg alt likar. Herleg funksjon! Eit anna bra tips kan vere å gå inn på andre sine favorittar. Om du for eksempel kjem over ein butikk med varer og bilder du likar kjempegodt, 

så er det jo ein viss sjanse for at du har ganske lik smak som denne butikkeigaren.. :) 

-og så har du det gåande...klikk-klikk-klikk!!!

Ja, eg likar norske Epla også, altså!! Men det er jo sånn, at desto større utvalet er, desto større er sjansen for å finne gode produkt du likar. Neste gong skal eg plukke fram Eplafavorittar, trur eg.. ;)

Hugs å bli med på lotteriet! Berre to dagar igjen!

Fine funn på Etsy

1. Sommarlege tøysko frå The Generation 

2. Årskalender 2011 frå Sarah Jane Studios

3. Frodig uglepute frå Karen Sagez

4. Froskestoff frå Kalla

5. Bilde av geitebukk frå Hillary Bird

6. Superskjønn nålepute frå Emma Lamb

7. Herleg sjiraff frå Contemori

8. Morsom epleukulele frå Celentano Woodworks

Eg startar året med herleg inspirasjon/ønskeliste frå Etsy... Joda, eg fekk mykje fint til jul, men ein kan jo likevel ønske seg noko! ;) Men mest av alt brukar eg Etsy til inspirasjon, og til tidsfordriv... I dag har eg hatt ein fot på vippestolen nesten heile tida, i alle fall når ikkje Lillebror har vore i armane mine. Og eg gleeer meg til han skal begynne å sove lang dupp! Det er så vanvittig frustrerande å ha så mange planar og ønsker for dagen, og så går all tida bort. Då er det VIKTIG å minne seg sjølv på at det faktisk er dette eg er heime for no. Eg SKAL bruke tida mi på babyen, for han er det viktigaste av alt! -men det hadde vore superdeilig om han berre kunne sove ein time eller to i strekk iblant...

Det har vore ein lang og god juleferie, og vi har kost oss med familiane våre. Eg har ikkje opna ein pc på over ei veke, og det har vore deilig, men no er det godt å vere tilbake. Takk for at de ikkje gir meg opp! ;)

Ønskar deg alt det beste for det nye året!

Fine funn på Etsy!

Dette er ein heilt spesiell dag!

Akkurat på denne dagen for nøyaktig fem år sidan kom nemleg veslejenta vår til verda,

og no er ho ikkje så veldig lita lenger, men ei stor, flink, skjønn og utruleg herleg jente!

Vi starta sjølvsagt dagen med tente lys, bursdagssong, frukost og pakkar på senga,

men så var ho ivrig på å komme seg i barnehagen... :)

Tenkte det kunne passe med nokre fiiine, barnlege funn frå Etsy i dag.

Dei er i alle fall på mi ønskeliste..hihi!

Sebra på hjul frå Happysquashtoys
Flybitering av tre frå Little sapling toys
Regnboge i tre frå Imagination kids
Soppar til veggen frå Six under a tree
Hjarteprint frå Strawberry Luna
Skogsuro i filt frå Pink Perch
Filtekorn frå Sleepy King
Ullteppe frå Pingvini

 

Moro med mykje respons på gjettekonkurransen!

Spent på kven som får rett! Og om eg skulle bli borte litt over tid,

så forstår du kanskje grunnen... Eg kjem i alle fall tilbake så fort eg kan! :)

Ønskar deg ein strålande dag!

Fine funn på Etsy!

1. Pom Love  - herleg pynt til festlege høve!
2. Sugarloop - kunstprint
3. Joanna Rutter - nydelege smykker og litt anna
4. Little Alouette - organiske, gode og fine treleiker til baby og småbarn
5. Umbrella Prints -handtrykte stoff og anna
6. Sparkle Paw - søte kort og lommespeil
7. Pilli Pilli - glade, fine ting av tekstil
8. Nothing elegant - ting og tang, stempel, klistremerker og anna

Berre nokre Etsytips... Har kosa meg med å finne fram desse, og finn utrulig mykje inspirasjon også! Det er verkeleg mykje eg ønskar meg, både for moro skuld, og for å ha som materiell i hobbyskapet mitt.. :)

Kos deg denne tirsdagen!

Fem ABC-favorittar

Helen Rawlinson

Herleg stoff med både alfabet- og talprint i mange ulike fargar.

Fancy Prints

Modern Pop

Her var det mykje fint! 

Talplakatane var også heilt fantastiske! 

petit collage

penguin & fish

Dette er altså små broderi, og du kan kjøpe alle oppskriftene på pdf.

west willow designs

Fann så mange fine abc-plakatar på Etsy i dag!

Vanskeleg å velge fem, men her er dei. 

Hihi, har eg talt riktig, tru? ;)

Klikk på navnet for å sjå nærmare på dei.

Klem