Lett som ei fjør

Søndagen er på hell og vaffelrøra står på vent. Det har nesten blitt ein tradisjon for oss å ete vaflar til kveldsmat til barnetv på søndagskvelden. Det er så godt! Og etterpå går eg ofte på yoga, men i kveld kjenner eg at eg ikkje skal det. Eg skal berre vere heime, slappe av og kjenne at det er helg nokre timar til... 

Har du det sånn at du har fleire hobbylyster og hobbybehov enn du eigentleg har tid og plass til? Eg trur eg er på randen av ekstrem i så måte, og prøvar stadig ut noko nytt. :) Og då eg kom over verktøy til utskjæring av eigne stempel, ja då måtte det også prøvast. Moro! Utstyret er kjøpt på Etsy, og var veldig rimeleg i innkjøp. Og gummien eg lagar stempelet av, er vel kanskje berre eit digert viskelèr. Og sidan inspirasjonen allerede var på plass, var det berre å setje i gang, og eg vart rimeleg fornøgd med ferdigheitene også, om eg får seie det sjølv... ;) Eller kanskje det berre var nybegynnerflaks? Fjøra fekk i alle fall akkurat det lette, fine uttrykket eg var ute etter, og eg jublar! Vil lage fleire! :)

Ha ein fortreffeleg søndagskveld!

Kameraveske for ladies!

Åh, så kjekt det hadde vore å ha ei slik veske! I akkurat denne nydelege gule varianten, og fyllt til randen med fotoutstyr og nødvendig kompetanse... Eg har så lyst å lære meir om fotografering! Og eg har så lyst å ha meir tid til å fotografere! :) Har du lagt merke til at det er skremmande kor fort mengden med dagslys minkar frå dag til dag no? Uff, eg vil ikkje heilt tenke på det. Heldigvis har vi handarbeid, te, stearinlys og evnen til å kose oss! ;) For ikkje å snakke om ein og annan fridag!

For å kikke nærmare på desse kameraveskene kan du enten klikke på det lånte bildet eller gå til Jo Totes her. Denne skal i alle fall opp på mi ønskeliste. Saman med eit lite kompaktkamera. For det er jammen tungt (og litt tungvint) å dra på ei heil veske full av utstyr... ;)

Ønskar deg ein super fredag!

Crazyblå...

Altså, eg må berre beklage bildekvaliteten, som i min iver på å vise fram kveldens ugjerningar (?) vart så stusseleg... Åh, hjelpe meg for ein crazy blåfarge! I alle fall på ein vegg! ;) Her i heimen er vi jo glade i å få det fint rundt oss, men vi er enten veldig treige eller veldig impulsive, og sjeldan noko midt i mellom. Denne gongen var vi også ganske treige, heilt til det plutseleg vart kjøpt inn ein farge i dag. Og då kom den på veggen! Fargen er ein nyanse lysare enn den blå Tripp trappen du kan sjå her, men den er nok framleis cirka sju nyansar for mørk og skarp... ;) Eg trur nesten vi må ha enda ein boks med blåmaling, så får eg kanskje den lyseblå som er i tapeten? Eller skal eg berre gjere det blå feltet litt mindre..? Vi får sjå. Litt vegg blir kanskje kvit att i morgon. :) Tapeten er forresten verkeleg til å bli glad av, og den har eg kjøpt her.

Ikkje fullt så crazy, men ganske blå er desse fine skinntøflane. Eg må berre dele dette tipset, for slike skinntøflar er nesten eit must i barnehagen. Dei er gode å ha på, sit godt på foten, er sklisikre og lagar lite støy. Og dessutan så får du dei nesten gratis hos Shoeszoo! Rask levering frå Canada er det også! :) - og berre for ordens skuld: eg er ikkje sponsa, men måtte betale for dei tre para eg kjøpte.. ;)

Malebuksa er framleis på, og eg må snart ut i gangen og kikke litt igjen. Hjelpemeg, kva har eg gjort? ;) Hihi!

Håpar helga di var god, forresten! Her vart Lillebror forkjøla og hadde feber, men no er han betre att, så kanskje denne natta kan by på litt kvalitetssøvn? ;) 

Ha ei fin veke!

Blått og grønt og sånt...

Det er så utruleg deilig at det er helg! :) Eg prøvar å slappe av og ha masse overskot til ungane, men har litt for mange ballar i lufta, trur eg... I alle fall har eg ei lang, lang liste med ting eg vil ha gjort! Og jammen har eg ikkje fått gjort både det eine og det andre denne helga også, parallellt med barneleik og koselege besøk!

Då eg opna ytterdøra heime etter jobb på fredag, vart eg møtt av ei vidunderleg lukt av ferske bollar. O Lukke! :) Då hadde mannen baka skulebollar med heimelaga vaniljekrem og handknust kardemomme, og oppskrifta hadde han funne i denne inspirerande bakeboka av M. Schakenda. Det var så utruleg godt! Og så var det så skjønt å komme inn døra når det lukta så godt inne. Heile atmosfæren i huset blir annleis når det står fersk gjærbakst på bordet! :) Ja, så no håpar eg sjølvsagt at dette er den nye fredagstrenden...

Bordet er forresten ei historie i seg sjølv. :) Dette bordet fekk vi nemleg i sommar, då vi fann det på låven heime hos svigers. Det har stått i Farmorhuset, før det flytta inn til sauane... Det er knallfint, og har to ileggsplater som vi håpar vi får brukt mykje! ;)  Men det krevde ein del jobb, for sånne halvvegs vraka bord som ligg på låven, har det sjeldan så veldig godt der... Så vi begynte med ein liten pussejobb, før det vart måla med heftgrunn og tre lag sperregrunn. Då kom ikkje lenger beisen gjennom malinga, så då var det på tide med ytterlaga. Vi brukte vanleg, kvit interiørmaling, og sjølve bordplata fekk to strøk. Då såg den veldig fin ut, altså! :) Men no er den ikkje så fin lenger... Kaffe lagar flekkar i malinga med det samme den kjem på bordet, og det er også andre ting som alt har laga merker. Isj! Har du gode råd? Skulle vi brukt golvmaling eller noko? Eller skulle det vore lakka på toppen?

Tripptrappstolane er også nymåla. :) Ein grøn og ein blå. Herleg! No går det i grøn-blå-turkise nyansar i heimen her, og eg er fornøgd! - men ikkje heilt ferdig enno.. Tusen takk til Karen Klarbæk for masse inspirasjon!! Eg har ein slags mistanke om at det er ho som står bak fargane på ulike, nydelige produkt frå Søstrene Grene... ;) 

Ho står bak enormt mange gode idèar på bloggen sin også!

Fleire glimt frå hus, heim og kreaprosjekt kjem etterkvart! No skal den nye plassen min i kjøkkenkroken innviast ganske snart, trur eg..! Og forresten - såååå glad for koselege kommentarar! Takk!

Fargekodane til stolane vart etterlyst, så dei kjem her:

Vi fann ein mugge frå Ikea og ei skål frå Søstrene Grene i nyansar vi likte,

og i malebutikken brukte dei eit apparat som kunne gi riktig oppskrift på fargen. Genialt!!

Det vart ingen enkel fargekode av det, men på etiketten på boksen står resepten:

Den grønne: B-base, BV009 GI010 SV009,5 (009 1/2)

Den blå: Hvit-base, BS008 FS003,5 (003 1/2) SV009,5 (009 1/2)

(Vart dette forståeleg? Får ikkje til å skrive 1/2 med små teikn, 

men det er eigentleg det som står, og ikkje -,5!)

Ønskar deg ei fin og god veke!

Trøyste og bere...

Kvardagen har verkeleg innhenta oss!

Tenk, plutseleg har eg begynt på jobb igjen, etter eit laangt fråvèr. Og når nokon spør korleis det er, svarar eg som best eg kan. For eg ER ambivalent! Ja, det er godt å vere fagleg bevisst og bruke den delen av hovudet igjen, men det er også skrekkeleg slitsamt! Eg lengtar konstant etter Lillebror, og skulle så gjerne vore lenger heime med han! Han har blitt over ni månader no, men er framleis berre ein liten kosegut! Okey, han er ein ganske aktiv kosegut...men kos, i alle fall! Og det er den heldige pappaen sin tur å vere heime ei stund framover no. :) 

Veldig fint for dei, og ganske tøft for meg..

Heldigvis har eg ein fridag kvar veke, og det er luksusdagen min! Den skal eg bruke så godt som eg kan!

Mykje tid saman med dei to herlege barna mine, litt tid på å få det fint rundt meg og litt tid på å vere kreativ og skapande! Denne planen bør vel vere gjennomførbar, vel? :)

På bildet har eg Lillebror tett inntil meg i den supre Manducaen vi kjøpte hos Krusedull før ferien. Den har vi brukt mykje, og den er enkel å bruke, lettvint å ta med seg og så kan eg halde han såå nær meg! Deilig! :)

Ein skjønn bukett med dahlia pyntar stovebordet og dei nymalte tripptrappane står ved det fine, nymalte kjøkkenbordet, og eg NYT fridagen min! Kanskje blir det litt fotografering i dag? Kanskje nokre runder med malekosten på veggane i gangen? Kanskje lese litt faglitteratur? Eller kanskje berre vere... :)

Ønskar deg ein god onsdag!

Fantastisk babyseng!

I dag blir det rein reklame på bloggen min... Men du må berre sjå dette! ;)

No skal vi altså selge denne superduperfantastiske babysenga, som vi har hatt hengande på soverommet og rundt om i andre soverom vi har overnatta i det siste halve året. Den er rett og slett heilt genial, både for mor, far og ikkje minst for babyen. Han har lagt så lunt og godt og deilig i den senga, og han har elska å bli gynga, både opp og ned og fram og tilbake, og gjerne i kjempefart...! Sovemedisin! ;)

Kjenner du til konseptet? Du kan sjå nærmare på Sovgunga/Mawok her!

Eller er du blant dei syglade, flinke mødrene/tantene? Kanskje du vil la deg inspirere av å sjå 

kva herlege, flinke, danske Rappedikke har gjort? Hennar Sansevugge kan du sjå her.

Eg fann ein krok i taket på verandaen, og fekk i hui og hast knipsa dette bildet i regnvèret. 

Men du ser kanskje korleis den er? Mmmmm...deilig! 

No ligg den ute på Finn.no til 650 kroner. Eit kupp! ;)

Du kan finne annonsa her!

Heimestrikka ullbukser er også til salgs. Eg har vist dei i dette innlegget tidligare, og eg er framleis fornøgd med arbeidet, altså.. Når det gjeld tøybleiebruken er vi no back in business, etter nokre månader med fulle bleiedunkar og stadige turar til butikken etter fleire bleier... Kanskje blir det færre bleieskift no når det kjem anna mat i magen? Vi gir det i alle fall ein ny sjanse! :) Men akkurat desse bleiene og ullbuksene har han vokse ut av, og det er jo berre såvidt brukt! Håpar nokon andre vil ha dei! Tøybleiene er TotsBots Bamboozle str.1, og dei treng sperrelag. Så då passar jo desse saman som fot i hose, hånd i hanske eller tøybleie i lanolinullbukse..! Og prisen? To dagbukser og ei nattbukse i lanolinull str 1-4 mnd for 275 kr, 

og fire tøybleier (trur vi berre prøvde to av dei, nypris ca 640 kr) selgast for 240 kr. :)

Det er deilig å vere i gang med blogginga igjen!

Og eg kikkar innom dykk, sjølv om eg er lite flink til å skrive helsing..

Ha ein fin dag!

Eg vann!

Eg deltok i eit blogglotteri hos Inghild/Heilt Heimelaga for ei stund sidan, og no har eg fått premien eg vann!

Hurra! Desse legoposane er heilt geniale! All legoen ligg i ein pose som ein kan folde heilt ut på golvet når ein skal leike, og når ein skal rydde opp er det berre å dra i snora, så havnar all legoen i posen igjen! Supert!

Inghild syr slike posar og ulike andre ting på bestilling, og der er det kvalitet på tinga, altså! 

Ta deg ein tur innom, så kanskje du finn noko du vil ha! :)

I kveld, som i går kveld, er det sofaen som lokkar meg mest. Så får sysakene segle sin eigen sjø. Dei reiser uansett ikkje langt... ;) Eg derimot skal komme meg tidleg i seng og reise langt inn i draumeland.

Det er slitsomme dagar heime i permisjon, sjølv om det mest av alt er rein luksustid! Men når "arbeidsdagen" startar tidleg og ikkje er over før i åttetida på kvelden, og det ikkje har vore meir enn to halvtimespauser, så blir ein sliten. Det er ikkje så ulikt mange andre jobbar, vågar eg å påstå... Ja, viss ein elskar jobben sin, så klart! Eg NYT tida med barna mine, men skulle gjerne hatt meir overskot til andre ting! 

Innimellom treng eg imidlertid å minne meg sjølv på at den jobben eg gjer no er av uvurderleg verdi,

og at frøa eg plantar i barna mine skal bere blomst og er med på å forme dei som menneske.

Oi, dette er store tankar... ;) -men viktig å hugse på for ei sliten småbarnsmor!

Ta vare på stundene!

Kom mai, du skjønne milde...

Vi storkosar oss med våren i Trondheim!

Eg trur jo at det vèret vi har akkurat no, er slikt vèr vi skal ha i lange tider framover. Har rett og slett vanskar med å forestille meg at det plutseleg ein morgon kan vere kaldt og surt,grått og trist, støvlar og strømpebukser igjen... Men for å vere på den sikre sida tar eg likevel inn dei nysådde frøa mine om natta.

Det er faktisk nesten minusgrader då, altså! Men enn så lenge strålar sola varmt og godt!

Denne helga hadde vi veldig lite planar. Vi skulle berre pusle rundt huset, rydde i hagen, gå tur og kose oss.

Det gjorde vi verkeleg også! Men kanskje kjekkast av alt var likevel turen vi hadde til Rotvollfjæra saman med gode venner. Storesøster kunne såvidt sykle aleine før vi tok turen dit, men etterpå hadde ho verkeleg stålkontroll! Det var heilt genialt å drive sykkeltrening på grasplenen ovanfor fjøresteinane. 

Flatt og fint å sykle på og heilt greit å ramle der. Ingen nye skrubbsår! :) Og ho var så stolt! 

På bildet ser du gliset, men du går glipp av lyden - ho ler heile vegen!

Vi fekk også testa ut litt av utstyret til Lillebror i helga.

Han har nemleg TFK sin nyaste vognbagmodell, Multi X, som du kan sjå nærmare på her.

Vi er så langt veldig fornøgde! Eg ville ha TFK fordi den er lett å trille, har handbremse og går lett inn i bilen.

Ikkje superfornøgd med alt, men så stiller eg høge krav også... Yrkesskade etter å ha prøvd ut utallige vogner i barnehagejobben? Skulle hatt min eigen perfekte kombinasjon av fleire ulike..!

Uansett: det store minuset med denne vogna har jo etter mi meining vore det at barnet må ligge vendt bort frå deg frå den dagen du velger å kutte ut bagen. Dette kan jo vere ganske tidleg, og då mister ein den kontakta ein har med kvarandre ute på tur, og som eg syns er ubetaleleg! Men med denne nye bagen kan ein altså fikse og trikse litt.. Ryggen kan hevast, fotenden gjerast litt om, bagen vippast opp - og hokus, pokus, du har ei sittevogn vendt mot deg! Hurra! Lillebror er enno litt liten til å sitte der særleg lenge, men det er heller ikkje mykje jobb å trylle den tilbake til den lune, gode bagen som er så god å sove i. :)

I vogna si har Lillebror no også fått den utruleg fine posen han fekk til dåpen sin. Den heiter LilleSommer, og du kan sjå nærmare på den her. Vi er så utruleg fornøgde med den! Kjempedeilig stoff, ullfòr og lekker design! Litt stor enno, men det betyr vel berre at han kan bruke den leeenge! Tuusen takk, J!!

No skal det syast her! 

Eg har funne ut at Lillebror må ha nye penklær til 17.mai, og det skal eg greie å fikse!

Har forresten lagt ut nye stoff til salgs i Eplabutikken min! :)

Ha ein deilig kveld!

Sykkelpikene!

Eg har lyst å finne fram sykkelen og prise våren!

Nei, ikkje den grå offroadsykkelen som står i garasjen...men kanskje ein påskegul?

Eller kva med ein lysblå? Og sjølvsagt med korg på styret, blomst i håret og flagrande kjole...

Sykkelpikene

er butikken eg nettopp har falle pladask for...

Syklar og hjelmar og utstyr i utruleg mange fine variantar!!

Klikk på navnet for å komme til butikken!

Eg vil ut på sykkeltur i solskinn med det samme!

Og så har eg sjølvsagt tenkt at Storesøster verkeleg skal lære å sykle denne våren, 

og ho hadde nok eeelska mykje av ekstrautstyret ein kan finne til barn!

...og tenk om mannen kunne sykle med fine klede, kul veske og herleg hjelm som dette!

Då ville han jammen vore kjekk!! -eh, han er jo ikkje så verst i tights og gul sykkeljakke heller,

men eg ville nok foretrekke meir den stilen som er på bildet... ;) Sorry, B!

Alle bilda er lånt av Sykkelpikene.

I dag har eg møtt to herlege damer på cafè! Moro med nye bloggbekjentskaper! :)

Og ekstra moro når desse to kan inspirere meg til å sy heilt utan at vi snakka om det!

I kveld var eg fast bestemt på å sy nokre putetrekk igjen, men uff og uff..eg fekk ikkje gjort det.

Kjenner at senga freistar meir enn symaskina no, og då blir resultatet aldri noko særleg bra om eg velger å bli sittande... Kanskje i morgon? Skal jo trass alt treffe ei anna herleg bloggvenninne då! :) 

Ønskar deg ei god natt!

Vil du sjå stova mi?

No er eg visst blitt bittelitt interiørbloggar.. :) Håpar du likar det!

Vil vise fram nokre glimt frå stova mi, som eg er så glad i. Den er ganske stor, har deilige store vindauge, og har mange ulike krokar til forskjellige behov. Om du vil kan du sjå den bursdagspynta i dette innlegget frå i haust. I dag kunne eg ikkje ta bilde med vidvinkel, for då må liksom heile stova vere presentabel.. 

Nei, det passa betre med utvalde hjørner..hihi!

På det øverste bildet ser du det gamle pianoet vi er så heldige å få passe på. Og oppå det står Storesøster sin globus og familiebildet ho teikna i helga. Herlege, herlege bildet! Vimplane vart laga til ein bursdag, 

men dei får lov å henge. Dei har så glade fargar!

På bildet under ser de kosekroken vår. Der har vi ein pall frå Bolia, med puter frå Indiska og Ikea. Skjenken er arvegods og den raude Hoptimisten ei barselgåve til Lillebror. Dette er ein herleg krok for ei god bok!

Møblane flyttast gjerne litt på, og no har den turkise sofaen fått flytte frå sin faste plass ved vinduet og inntil stovebordet. Det er forresten eit teakbord som pappa hadde på hybelen sin då han var student.. Kjekt!

I går var sofaen full av gode venninner, og det er noko av det beste eg veit! 

No lar eg den stå slik litt, og så får vi kanskje fleire gjestar i nær framtid?

Den fine vogga som morfar laga til Storesøster har komt ned frå loftet. No har eg lagt oppi ein kjempefin og deiligdeilig pose frå LilleLille. Dei har mykje anna fint også, så ta ein titt!

Fantastisk deilig med sol!!

Ønskar deg ein strålande dag!

For nokre kupp!

Ah, eg har gjort nokre deilige, deilige kupp!

No ligg to store posar med nytt stoff og ventar på vask og stryking,

og det er jo den kjedelege delen av det.. :) Men det er berre så 

utruleg inspirerande

å ha friske, fargerike, fine stoff liggande!

No blir det puter i første omgang, trur eg,

og så får vi sjå kva meir eg finn på...

Idèane er mange og sylysta stor!

Kva syns du eg skal lage av dette?

Og jada, eg har nok litt liggande frå før også... ;)

Tenk om eg kunne innrede ein liten sykrok på stova, 

så kunne eg halde på med det sånn fem minutt no og då,

i staden for å måtte rydde av og på kjøkkenbordet i tide og utide..

Men no ropar Lillebror, og vi skal ut og trille tur på glatta. Friskt!

Ønskar deg ein herleg dag!

Tøybleieforsøket vårt...

Vi har bestemt oss for å prøve tøybleier til Lillebror. Eg har noko å innrømme... Vi får det liksom ikkje til!

Tanken er god, viljen er der og alt utstyr er på plass. Men kvifor får vi det ikkje heilt til å funke? Eg lurer på om kanskje Lillebror er litt misfornøgd. Det kan vere at eg ikkje skifter bleia ofte nok. Eller er det kanskje noko eg berre trur, for å ha ein grunn til å gi opp? Foreløpig blir det nesten oftare papir enn tøy, men vi har ikkje gitt opp enno! Kanskje du kan hjelpe meg med motivasjonen?

Bilda er frå stelleplassen, med klede, klutar og bleier i fine korger. Eg likar at det ser ryddig og freistande ut!

Og når eg har rydda litt, så blir det jo fint! Og i kleskorga kan du sjå kva slags fargeskala eg brukar mest til vesleguten... Deilige, fine blå, brune og grå, og ull, ull, ull...

Når dette innlegget blir publisert er eg forhåpentlegvis på flytur. Moro med planlegging! ;)

Ønskar deg ei framleis fin veke!

Orden i sakene

No skal du sjå det blir orden i stelleveska! Endeleg... ;)

Eg rekk ikkje så mange store prosjekt no for tida, men har storkosa meg med desse posane!

Stoff og band til posane har eg kjøpt både her og der, og inspirasjonen er stor på bloggane rundt omkring.

Kanskje kan du også inspirerast til å sy små posar! Ein treng i alle fall ikkje mykje erfaring for å få det til!

Denne øverste posen brukar eg til bleier i stelleveska, og den er verkeleg til å bli glad av! :)

Lillebror er ikkje særleg interessert i å ta smokken, men eg gir ikkje opp så lett. 

Det er jammen greit å kunne sette i den proppen i blant!

Men når smokken stort sett berre blir hengande i snora si eller liggande og slenge, 

då er det jammen greit med ein liten pose å oppbevare den i!

Skiftetøy må vi også ha med overalt, sånn som denne herlege bodyen frå Duns, som Lillebror fekk til jul.

Eg sydde ein liten pose av fleire ulike stoff, og no er det så mykje lettare å finne fram 

i den store veska som brukast til stelleveske!

På onsdag tar eg med meg barna mine og legg ut på reise! Åh, som eg gler meg!

Så då måtte bæresjalet også få ein liten pose, slik at det blir litt lettare å frakte med seg på tur.

Vi skal reise med både fly og tog, og kjem etter kvart fram til tanta og onkelen i Gøteborg.

Der blir det gåtur og cafèliv og masse opplevelsar, kos og hygge, tenker eg! Herleg!!

Litt fleire bilder heilt til slutt. Eg er jo ganske fornøgd med resultatet, men er enno ikkje heilt ferdig med poseprosjektet. På kjøkkenbordet ventar posane som eg skal pakke barna sine klede i, for alt skal jo opp i den stoore sekken som eg skal ha på ryggen. Eg elskar å vere på reise! Og med sekk på ryggen har ein armane fri, så eg forstår ikkje heilt dei som reiser med koffert, altså.. Ok, det har sine fordelar, men eg likar sekken min!

Kom forresten på at det kom ein del kommentarar om den fine ugla mi,

og den er ikkje frå House Doctor, men Madam Stoltz. Kjøpt på Ting.

Ha ei flott, ny veke!

Gnistrande!

Vi stod opp til gnistrande kulde i dag! Gradestokken viste 17 minusgrader!

Då er det berre ein ting som nyttar og det er ULL! Frå innerst til ytterst!

Heldige Lillebror har fått deilig, mjuk og fin alpakkavest,

som blir trekt utanpå alle dei andre ullkleda,

og så blir han lagt på eit skinn, under eit ullteppe.

Eg fyrer i ovnen og sitt i den turkise sofaen, der eg kan

nyte nokre varmande solstrålar gjennom sørvinduet.

Men vinduet er trekkfullt, og eg frys faktisk på baken..

Eitt av vindua ser slik ut, med fantastisk fine og fascinerande isroser!

-og for dei som lurer så har vi super skøyteis på eit vatn i nærleiken,

og Storesøster skal nok få ta seg ein tur dit med pappaen igjen, 

når det berre blir litt mindre kaldt i lufta.... Fysj, det er iiiiskaldt!!

Tusen, tusen takk for varmande og fine kommentarar! 

Tida mi strekk ikkje heilt til om dagen, men eg lovar å bli flinkare til å gi respons tilbake! ;)

Ønskar deg også ein gnistrande fin dag!

Skjønn dukke og deilig ull!!

 Denne vesle krabaten ligg klar og ventar på lillebror. Den er sydd av mjuke, gode stoff, og fyllt med ull og bittelitt lavendel...akkurat nok til å kunne kjenne lukta om du snusar godt inntil magen. :) 

Eg er ganske fornøgd, for dette er nemleg den første dukka eg har sydd!

Kvar torsdag går eg på dukkekurs i barnehagen til Storesøster,
og målet er å kunne sy ei stor og fin dukke!

Tenk om eg kunne sy dukker som Lisbeth eller Juliane!! 

Bloggane deira er vel verdt eit besøk eller fleire!

I første omgang skal eg nøye meg med å sy fleire av denne vesle sorten,
og dei kan du få kjøpt på barnehagens julemarknad 21. november!
Meir info kjem seinare!

Legg du forresten merke til det utruleg deilige lammeskinnet?

Dette hadde Storesøster som soveskinn, og det er no gjort klart til Lillebror.

Det er kjøpt hos Nøstebarn, og du kan lese om/kjøpe det fantastiske produktet her!

Har du eit skinn som ikkje er fluffy lenger?

Dagens husmortips:

Kjøp ein hundebørste og børst skinnet godt!

Eg satt med det i fanget i går kveld, og børsta etter alle kunstens reglar,

og fann vel ut at sjølv om resultatet vart superbra, så var nok dette ein typisk utejobb..

Kva syns du forresten om den nye headeren min?

Og kva med bakgrunnsfargen?

Eg utforskar litt, og er ikkje heilt einig med meg sjølv enno.. Hihi..!

Ønskar deg ein herleg dag!

Luksus minisymaskin ;)

Storesyster fekk oppfylt fleire av ønska sine til bursdagen...

-men dette var kanskje ein av mine favorittar. Hihi!

Ho hadde morfarbesøk for ei stund sidan, 

og ved frukostbordet spurte han kva ho ønska seg til bursdagen.

"Mmm - en sånn som mamma har. Til å sy med! Med blomster på!!"

Eg forstod med ein gong kva ho tenkte på, sjølv om det var forrige sommar, 

før ho fyllte fire, at vi såg den i butikkvinduet til ein symaskinbutikk i byen. 

Den gongen fall ho pladask, og jammen hugsa ho den ikkje enno!

Morfar sprang straks i nærmaste leikebutikk for å kjøpe symaskin, 

men eg fekk rettleia han inn til den rette butikken, og det er eg jammen glad for. :) 

No kan eg og 5-åringen sy saman. Herleg! 

Første prosjekt vart ei pingvinlue til nettopp morfar. Skal tru om den fell i smak? ;)

No er det opp til pedagogmammaen å få dette til å bli fine, gode stunder. 

Ei ordentleg symaskin (ikkje noko tull!) syns eg er viktig for å ta vare på sygleda,

men like viktig er mitt tolmod, mitt humør og min evne til å motivere...

Oioioi... Det er ikkje like lett å vere pedagogisk heime som på jobb.

Fleire som kjenner seg igjen?

I dag skal ho hentast tidleg i barnehagen, 

og på ettermiddagsprogrammet står det systund igjen, trur eg. :)

Ønskar deg ein nydeleg tysdag!

Kaffekos og babyutstyr...

Enda meir mat... Denne gongen er det pappa som skulle kjøpe egg til meg, og kom heim med litt kaffemat. Ganske gode, og ekstra godt med litt kaffe til. :) Her er kanelsnurrane plassert på eit fat heilt etter min smak, som eg fann på loppis i Sverige tidlig på sommaren. Nydeleg form og fantastisk farge! (-åh, om eg berre hadde orka å gå og sjekke kva dei heiter...men nei, no sitt eg så fint i stolen min.) ;)

Eg må beklage den evinnelege gule duken...den har gått frå å vere fresh sommarduk i vår, til å bli sliten hobbyduk no. Hihi...og sjølv om eg innimellom får rydda bort hobbyane mine frå kjøkkenbordet, så kjem det fort tilbake. Og slik måå det jo berre vere! Om hobbysakene er rydda bort, så er det jo rett og slett umulig å bruke dei! 

Noko for ein kvar smak.. Her serverast både kaffe latte, presskannekaffe og o'boy! Og alle koppane har ei historie som eg kan. :)

Til sist må eg vise eit bilde av gårsdagens store prosjekt. Eg har streva lenge med det, og er verken heilt ferdig eller heilt fornøgd... Men eg har trua på at det skal bli bra!

Etter mykje om og men endte vi med å kjøpe brukt TFK vogn til lillebror, fordi den truleg er den mest bekkenvenlege vogna. Men eit stooort minus med den er at sportsdelen ikkje kan vendast, og at du ikkje kan ha barnet mot deg etter at bagen har blitt for liten. Eg VIL ha barnet mitt mot meg, for eg VIL ha den kontakta og kommunikasjonen! Så då gjekk eg på nett og fann Multi X! Så no har vi ein utruleg praktisk, men ikkje særleg estetisk bag til vesleguten. Den kan gjerast om til sittedel, og dermed skal den vere fin å bruke til barnet er omtrent 18 månader. Så lurt!

Så var det det litt vanskelege prosjektet mitt, då... Ein voksipose! Det grøne trekket er eit gammalt dynetrekk kjøpt på bruktbutikk i Gøteborg, og eg har funne ut at det er heilt perfekt til denne bruken! De får heilt sikkert sjå betre bilder seinare...no gjenstår litt småflikking, knappeshopping på den gøye knappebutikken i byen og så må eg bestemme meg for om den passar i bagen, eller om posen rett og slett er for stor..sukk!

Har du prøvd denne bagen, kanskje? 

I kveld skal eg imidlertid ikkje streve med noko prosjekt, men heller slappe av og spise reker med pappa. Det er også kosleg, og enno ein gong må eg berre konstatere at eg er heldig! Snille pappa som passar på oss jentene medan Mannen er bortreist! :)

Ønskar deg ein fin kveld!