Eg fann denne fine boka på 70% på Panduro i dag! Det er gøy, det! Den heiter Pyssel de luxe 41 vansinnigt piffiga pyssel! og er skriven av Josefin Ekman. Det står om den at den er en praktisk inspirationsbok för dig som tycker att handarbete är minst like avkopplande som en timmes yoga, och som saknar lekistidens ohämmade klisterfester. 
Kom over denne i dag, og Stephanie Fizer har nokre kjempesøte print på Etsy. No er det berre å finne ein favoritt eller to og skrive ei helsing til henne, så kanskje du er den heldige som vinn gåvekort?
Mjuke, gode sanseputer, som stimulerer ulike sansar hos det vesle barnet. Denne lilla puta har ulike fløyelsstoff og tre rosa knappar på eine sida, og 15 ulike band rundt kanten. Desse er utruleg morsomme for ein baby å plukke og kjenne på. Stoffa har kontrasterande fargar, og er fine å sjå på.
Baksida er eit gammalt stoff frå Ikea, og inni er den fylt med vatt.
Dette vart nesten som ei fotballpute, med den grasgrøne fløyelen bak fotballungen. Det er vel fordi eg er så glad i fotball..haha!
Baksida er av eit kjempefint prikkestoff frå Reprodepot. Det er ein bra stoffbutikk, og varene er supre!
Så morsomt! I går kom det pakke i posten, og det er jo alltid spennande. Og denne gongen var det frå Hobbyklubben, eller kva det no var det heitte....hihi, eg er ganske flink til å bli medlem i bokklubbar!
Denne kjolen må eg seie meg svæært nøgd med! Den vart kjempefin, og midt i blinken til ho som skal få den , trur eg. Den er sydd av eit gammalt restestoff, og kanta med vanleg grønt kanteband. Det vart ein fin kontrast! Knappane er trykknappar frå Panduro.
Eg ville at det skulle bli eit sett, og laga difor ei grøn bukse som skulle matche. Første forsøk var skikkeleg mislukka, men denne gongen gjekk det betre. Stoffet er jersey frå S&S, med kjolestoffet nederst i beina og som elefantapplikasjon. Oppskrifta er på ein måte frå Ottobre nr.6/2007, men den er gjort litt om på.
Vel heime etter nokre veker på farten, og eg må berre spørre..det er vel sommar enno ei stund? Her er det grått og surt og berre elleve grader i dag! Det er jo kosleg å fyre i peisen, men eg trudde ikkje vi skulle gjere det i juli, altså. Men, men, noko må vi jo bruke brystpanelet til..hihi... I dag har vi (eller mannen) rive ned alt inne på lilledoen, og så skal vi pusse opp der dei neste dagane. Det er litt kjekt! Og eg har baka nydelege skulebollar og pusla med symaskina i dag. Men resultatet av syinga vart ikkje akkurat som eg tenkte, så eg må nok prøve på nytt i morgon.
I går var vi innom eit spennande senter, som ligg i ei lita vestlandsk bygd. Vi endte opp med å kjøpe nyydeleg muffins og ein stilig kopp, som passar fint til te eller kaffe latte. Den er frå Koziol, og sjølv om eg ikkje har "oppdaga" den før denne sommaren, er den ikkje akkurat årets modell. (Dessutan så er den litt finare enn eg har klipt den ut..eg held nemleg på å øve på Gimp, slik at bilda kan bli ok uansett bakgrunn.)
Ein liten engel som eg har fått av ei god venninne. Ho sa den ropte navnet mitt frå plassen sin på den sør-afrikanske marknaden. Eg er så glad i desse fargane! Og så er eg glad i alle slags kvardagsenglar, slike som berre plutseleg er der og ser menneska rundt seg. Eg kjenner nokre slike...eller kanskje mange? Hm..eg håpar at eg òg blir oppfatta som ein slik god person, ein kvardagsengel, innimellom..
