"Maple Leaves arrangements"
Har du høyrt om Andy Goldsworthy? Han er kunstnar, og driv med Land Art, ein kunstart som er ganske så fin. Det beste med den er at den er så inspirerande for ting ein sjølv kan gjere ute på tur. Kanskje aleine, med kameraet, eller saman med barn, familie eller vennar.
Konseptet er at du brukar det du finn i naturen, så det treng ikkje planleggast, og det skal ikkje brukast unaturlege element. Du kan skape nydelege kunstverk, og dei vil brytast ned på naturleg vis, slik naturen gjer det når den ryddar opp. Det er også ein del av kunsten. :)
Bileta er henta frå Google, og det var mykje å velge mellom! Eg fann også ei side med bilete av andre, inspirert av denne kunstnaren, og den sida kan du finne her.
Hihi, eg har fått ein award/utfordring frå Bella Vintage, og skal fortelje sju interessante fakta om meg sjølv... No er det jo litt vanskeleg for meg å seie noko om kor interessant dette er, men det er i alle fall ganske personleg, slik at alle de kjekke lesarane kan bli litt betre kjent med meg. :)
- Eg har ein uendeleg straum av idèar og lyster eg har lyst til å gjere noko med! -men er litt for tiltakslaus til at det blir så veldig mange resultat...
- Eg syns det er ganske kjedeleg å sjå på OL, og gler meg til det blir litt andre ting på tv igjen...
- Eg jobbar som pedagogisk leiar i barnehage, og er stolt av det! Syns jobben med dei minste barna er umåteleg interessant og viktig, og får brukt veldig mange områder av meg sjølv.
- Eg har vore aktiv speidar i mange år (men det er nok lenge sidan no), i tillegg til korps, musikkskule, kor og andre ting... Og eg skulle ønske eg hadde tid og overskot til å vere med i barne- og ungdomsarbeid no. ;)
- Eg oppfattast som ganske tolmodig, men er eigentleg ikkje det... Eg likar når det skjer ting, blir sprø av antakelsar, fastgrodde tankemønster og for mykje babbel.
- Eg koplar ut alle stressande tankar når eg løyser sudoku.
- Eg har ei lillesyster som eg er umåteleg stolt av! Ho har blitt det ho drøymte om!
No skal eg eigentleg gi denne vidare til 7 andre bloggarar, men eg står over den delen... Syns det er veeeeldig mange som fortener denne, og dedikerer den til alle på blogglista mi!
Ha ein herleg kveld, jenter!
Oj! Vi har en flott bok om Andy Goldsworthy, den så jeg på i dag og tenkte at jeg kanskje skulle lage et bolginnlegg om kunsten hans! :-O
SvarSlettAt det han har laget er inspirerende er helt sikkert, jeg kan bli helt gira av å se bildene hans. Noe av det er jo veldig enkelt, og andre ting er så komplisert og tidkrevende - og akk, så vakkert!
Jeg elsker Land Art og hans arbejde er meget spændende. Mine børn har været med til et større projekt og havde en fantastisk oplevelse.
SvarSlettKära Guro, har du sett filmen "Rivers and Tides" om Goldsworthy? Jag älskar Land Art och i morse satt jag med en kopp kaffe och en Goldsworthy-bok på soffan, det stormade över fälten och runt huset och jag drömde mig lite bort... Hoppas du får en solig och inspirerande dag!
SvarSlett