mandag 24. august 2009

Strevsom lillabukse..


Med eit par fine, lilla stoffrestar tok eg til på ei lita bukse i går. Med utgangspunkt i ei Günther-bukse str. 98, men med ein god del personlege vriar, vart det ei knallfin bukse! Stoffa er mørk lilla baby cord og mønstrete bomull frå S&S. Buksebeina kan brettast opp eller ned, alt etter kor langt barnet er.


Eg hadde ikkje nok stoff til ei heil bukse, og difor laga eg den slik nederst i beina. I tillegg måtte eg bruke det samme stoffet i midja, men sidan dette stoffet ikkje er særleg strekkbart, la eg inn strekk i livet. Dette ser du så vidt bak, for eg gjorde det slik at det kunne regulerast etterkvart som barnet vaks. MEN då Lille A skulle prøve buksa før ho gjekk i barnehagen i dag, så var det berre så vidt vi fekk den over baken! Hm, tenkte eg, då får eg kjøpe ein glidelås på veg heim frå jobb... Og det gjorde eg. Eg kunne nesten ikkje vente med å komme igang etter middagen, og sette igang med godt mot. Lille A rakk akkurat å prøve buksa før ho skulle legge seg, men denne gongen passa den ikkje i det heile tatt!! Æsj, altså! Slikt blir eg litt gretten av...


Her ser vi den flotte modellen posere etter frukosten. I morgon håpar eg å få tatt nye actionbilder, for no har buksa fått strechkant i mørk lilla viscose (det var det eg hadde i hus..). Og bortsett frå at den ser ut som ei gravidbukse i str. 4 år er den ganske fin.. ;)

2 kommentarer:

  1. Det er så morsomt å komme inn i din kreative verden Guro, nydelige bilder og kreasjoner, som om jeg skulle gjort det selv.....:)vel nesten ihvertfall.:)
    Julie:)

    SvarSlett
  2. Fine ting du lagar! Buksa vart sikkert bra til slutt (deilig med litt elastikk i livet, også for 4-åringar;) Takk for kommentar på bloggen min:)

    SvarSlett



blogger template by lovebird