mandag 2. september 2013

På skattejakt

Vi har funne ein skatt!! Det er ein heilt ekte skatt, altså, og den er verkeleg gull verdt! Djupt i ei skuffe, i ein skrøpeleg kommode, på eit bittelite rom på loftet i det gamle huset til mormora, morfaren og grandtanta mi, fann eg skatten. Det kunne nesten vore kva som helst, for eg kan love at det var skattar av mange ulike slag i det huset. Som kjærleiksbrev mellom to unge menneske i etterkrigsåra. Som finurleg skrivne kokebøker, med både oppskrifter og strenge reglar for oppførsel i kjøkkenet. Som fluffy småpikekjolar frå 50-talets Amerika. Som verktøy samla opp gjennom ein heil mannsalder. Som heimestrikka gensrar og smånips. Og meir til. Det er imidlertid forskjell på kva vi ulike menneska ser på som skattar. Og eg fann ein fin skatt som skal brukast og takast vare på i heimen min. Som skal halde minna om mi oldemor i live, og bringe latteren fram i store og små som frydar seg i fellesskap over skatten. Den er gøymt i ein gammal koffert, og ungane må spørre pent om å få låne den. Desse tinga skal ikkje bli liggande å slenge blant legofigurar og briotog!

Eg har funne nokre posar som innehaldt gamle hattar, briller, kragar og hanskar. Fantastisk! Ungane har leika i timesvis med desse tinga, og eg er glad. Heilt inn i hjartet mitt er eg glad. Glad for at desse tinga kan vere til glede. Glad for at dei bringer fram minner og historier om familien. Glad for at dei stimulerer fantasi og forteljarglede hos store og små! Moro! :)

Om du ikkje er så heldig å finne slike fantastiske arvestykker, kan du jo alltids leite på loppisar og bruktbutikkar. Og på  nettsider som for eksempel Etsy kan ein også kjøpe ingrediensar som trengs til ei god historie, fabulering om svunne tider og latter og fniseanfall i massevis... Eg trur eg må gå på skattejakt og finne fleire godbitar til kofferten vår! Enn så lenge har eg funne fram nokre eksempel til deg, og du kjem vidare om du klikkar på bilda. Lukke til!

Vintage Dianne von Furstenberg Eyeglasses, Vintage Glasses, Vintage Eyewear, Brown and Cream Glasses
Vintage Buddy Holly style unisex black glasses
Vintage  USSSoviet era Russia Glasses, russian vintage watches, steampunk glasses
Vintage grey and blue glass and lucite frames eyeglasses 
Ta vare på dei fine stundene!

fredag 30. august 2013

Fort gjort!

På forsommaren var eg på sydag med gode venninner. Det var før sysaker og kreativt rot vart pakka vekk i flyttekassene, som enno står øverst i trappa og ventar på at syrommet skal bli syrom og barneromma barnerom. ;) Ting tar tid! Men akkurat denne blusen tok jammen ikkje så veldig mykje tid! Eg har brukt eit herleg stoff frå Stoff og stil, og ei oppskrift på ein kjole frå samme stad. Denne kjolen skulle ha to kapper til nedanfor denne første, men dei droppa eg rett og slett. Jenta mi trengte ikkje kjole, men noko som passa til bukser og shortsar og slikt. Og det gjer den! :)
Eg datt og slo halen min for nokre dagar sidan. Har du prøvd det? Hadde det gått bra hadde det stuntet eg gjorde vore kult og gitt cred, men slik det vart, så vart det eigentleg mest flaut og dumt. Joda, eg er nok både barnsleg og i overkant impulsiv... Det var ei lang og bratt rutsjebane på ein leikeplass, og eg måtte sjølvsagt teste om den var trygg for ungane i regnvèret. Det var den altså ikkje. Eg flaug nokre meter flatt gjennom lufta før eg landa med eit brak. Au. Au. Au. 

Deilig med fredagskveld, uansett! Fredagspizza og sofakos. Digg!

Fin fredag til deg!

tirsdag 6. august 2013

Når kvardagen er her

Vi er igang med å bruke huset vårt. Vi brukar kvar ei krå, og greier på forunderleg vis å fylle det. Stova skulle vere leikefri sone, som ein fristad for auget og kvile for sjela. Eller noko sånt. Ryddig og zenaktig, kanskje. ;) Men enno flyt leikene. Togbanen har blitt satt i ein samanheng, men petshopar og små sokkar har funne flytsona si. Eg syns på ein måte det er greit. Etter forrige overdøvande idylliske innlegg har kvardagen innhenta oss, og eg må sjå litt nøyare etter for å oppdage idyllen mellom oppvask, gamle aviser, søskenkranglar, korte lunter og tidsfristar og anna kvardagsgreier. Men eg ser den. Idyllen, altså. :) Eg ser den i barnesang, knusekos og togbane. Eg ser den når lillebror storfornøgd tittar fram frå klesskapet mitt og ropar Fann deg! Og når storesøster jublande spring mot ytterdøra for å sleppe inn venninnebesøket sitt. Eg nyt kaffien min i haugen med puter på sofaen, godt gøymt bak stabelen med flyttekasser, og lyttar til venninnene som snakkar om flytting og kjensler og kven som eigentleg vil at storesøster skal lære å spele piano. Eg stoppar opp i stresset og tar pause. Det er verkeleg godt. Verkeleg. 
Pianoet fulgte med huset. Og den nydelege pianokrakken likeså. Fleire bilder og detaljar kjem når pc-utstyret er pakka ut. Når ting har komt på plass og ledningane funne att. Eg gler meg! :)

Nyt kvardagen din!

søndag 4. august 2013

Ein passeleg dose idyll, takk!

Dette er verkeleg akkurat så idyllisk som det ser ut. Siste feriedagen. I hagen leikar glade barn. Vi har klossar, klatrestige, dukkestue og hengekøye. Vi har rips, solbær og kirsebær. Vi har vaffeljern og skøyteledning, og vips! så vart det vaflar og is og gode venner på besøk på terrassen og i hagen og på omvisning i nyhuset. Rett og slett ein heilt nydeleg søndag! Så no kan kvardagen berre komme... 

Ønskar deg ei deilig sommarveke!

torsdag 1. august 2013

Nymalt parkett

Å male golv er, tru det eller ei, kjempekjekt! Til og med mannen syns det var gøy, for då ser ein verkeleg fort resultata! :) Ein heilt ok bjørkeparkett, ikkje perfekt på nokon måte, har no fått nokre strøk med Trestjerner i fargen fabrikk. Perfekt. I alle fall nesten. ;)

Eg er klar for fortsettelsen. Fleire golv, takk! Berre synd at lister, tak og veggar også må malast. Og vindu og dører. Og skap. Og stolar og hyller. Og trapp. Joda, eg har litt å sysle med framover. Enn du?

søndag 28. juli 2013

I full sving


No svingar eg kosten dagen lang! Vi har overtatt det nye huset vårt, og malemotivasjonen er enorm. Det er bra, for mengda luta furu er overveldande. Og vi møter stadig nye utfordringar, så allerede etter tre lange arbeidsdagar har tidsskjemaet sprukke. Luta furu er rett og slett ikkje berre lett å ha med og gjere!

Ideane boblar, inspirasjonen er på topp, og bloggelysta kriblar heilt ut i fingertuppane. No gjeld det berre å halde tunga rett i munnen, ha bra fokus og verkeleg stå på nokre dagar. I løpet av kommande veke skal vi nemleg flytte desse to kilometrane til nyhuset, og då må mest mulig vere ferdigmalt først. Det er gøy!!

Ha ein fortreffeleg søndag!

onsdag 12. juni 2013

Rekkehus til salgs!

Alle foto: Aktiv Eiendomsmegling
Slik ser huset vårt ut på framsida av Finn.no i dag. Det er til salgs!! 
Det er heilt sprøtt og veldig spennande og frykteleg vemodig... Vi stortrivast jo her! Og særleg når det no er så ryddig og romslig, så er det jo veldig rart å skulle flytte. Men det skal jammen bli godt med enno fleire kvadratmeter å boltre seg på. ;)

Dette er rett og slett grunnen til at det vart enda ei bloggpause. Vi har rydda og mala og flikka og rydda og tømt og fiksa og rydda litt til.... Det er utruleg tidkrevande å skulle selge hus! Aktiv Eiendomsmegling har boligstylist med i pakken, og ho var innom eit par veker før fotografen. Det er kjekt å få innspel av nokon som veit kva som skal til for å selge, men vanskeleg å ikkje skulle sette personleg preg på huset sitt. Det klarte eg nok rett og slett ikkje, sjølv om eg delvis prøvde det... Men resultatet er vi i alle fall fornøgde med, og så håpar vi at mange andre også likar det, og at det blir kamp om å få bu her! Eg kan i alle fall varmt anbefale det!! :)

Det nærmar seg visning, og annonsa er nettopp lagt ut her. Eg kjem nok kanskje til å legge ut nokre fleire bilder på bloggen også, og kanskje tar eg meg ei runde med kameraet før kjøparane strøymer på...? ;) Dette er jo ingen interiørblogg, og kjem nok ikkje til å bli det heller, men her er mange detaljar eg gjerne vil vise fram. Til glede og inspirasjon, sjølvsagt. :) Noko du er nysgjerrig på?

Ha ein fin onsdag!

onsdag 15. mai 2013

Stoffavhengig?

Produktbilde
Produktbilde
Produktbilde 
Produktbilde
Eg har hatt ryddesjau i stoffhyllene og stoffeskene og stoffposane mine... I alle fall fekk eg begynt på den store ryddesjauen, og ser at sjølv om eg no faktisk skal få ein plass å ha alle sysakene mine, så treng eg ikkje å fylle opp den plassen med ein gong. Og etter at alt småtteriet er kasta (-det gjorde vondt i gjenbrukshjartet mitt, for det er jo sjølvsagt mulig at barnehagebarn eller sfobarn ikkje har slikt eit rikt utval som eg har, og at dei kunne hatt glede av det...men nei!) så er der både små og store bitar med stoff som eg mest sannsynleg ikkje kjem til å sakne. Og det er godt mulig at andre kan ha glede av det! Og dermed er sånn ca ti kilo stoff allerede lagt ut på Eplabutikken min. Her ser du berre eit utval av det som ligg der. Klikk på bildet, om du vil! :)

Ha ein fortreffeleg onsdag!

tirsdag 14. mai 2013

Små og store hus

Plutseleg er hus det einaste eg tenker på. Det begynte kanskje med desse små husa. Eg fann idèen i Rom123, og dei har henta den frå dette blogginnlegget. Ein verkeleg god idè, særleg no når alle dei etterkvart litt lange spirane mine treng meir plass...og det er mange av dei! :) Eg brukte store og små kartongar, hobbylakk og pensel. Nokre er svarte og nokre antikkrosa, og kombinasjonen med det grønne gjer det både tøft og fint og friskt. Herleg!
Hovedgrunnen til at eg berre tenker på hus er nok at vi for akkurat ei veke sidan kjøpte einebustad. Crazy! Eg får framleis nesten gåsehus av å tenke på det, og måtte køyre forbi igjen i dag på veg frå barnehagen. Det er eit stort og fint hus ikkje så langt frå her vi bur no, og flyttinga blir mot slutten av sommaren. Men i morgon kjem boligstylisten heim til meg, og det rare er jo at eg aller helst vil style huset mitt før ho kjem... Eg skjemmast av å vise fram alt kaoset her, men så er det jo delvis fordi vi allerede har begynt å pakke vekk ein del ting, har skaffa eit lass med pappesker, har demontert hyller for å male tak og veggar osv. Det blir jo innmari fint her når vi skal flytte, altså! Men no skal eg sjå om eg får litt meir orden i sakene før Greys. Kaos eller ikkje - ingen tirsdag utan sofakrok og Greys! 

Håpar bilda mine inspirerer deg i dag. Våren har endeleg eksplodert ute, men hagevekstane kan nok trenge litt ekstra varme og omsorg innandørs før dei skal ut og blomstre! :) Eg gler meg i alle fall til hagen får meir farge!

Ha ein deilig kveld!

onsdag 1. mai 2013

Gøy med body!

Forrige helg tok eg med meg symaskinene og nokre stoffbitar og besøkte ei venninne nokre timar. Utruleg kjekt å sy saman med nokon! Og resultatet vart eg strålande fornøgd med! :) Her ser du lillebror i sin nye body, sydd etter innfallsmetoden i det herlege Cirkusstoffet frå Gekko. Verkeleg deilig kvalitet! Eg brukte ein passeleg stor body som mal, teikna av mønsteret og sydde glad i veg. Oops, eg hadde gløymt å tenke ut ei lur halsopning, men det ordna seg visst med litt kreativitet og nokre trykknappar. Neste gong vil eg nok leite etter eit eigna mønster først... ;)
Guten er også strålande fornøgd. Fin og glad! "Æ har fått øya på magen min!" seier han og ler. Og mammaen er inspirert til å sy meir. Kanskje eit par vårlege bodyar til? Eller kanskje det snart er slutt på bodytida, slik at gensrar og t-skjorter er meir på sin plass? Og nattkjole til storesøster. Og eit snurrete skjørt, kanskje? 

Nyt dagen!

tirsdag 30. april 2013

Etsyfavorittar i mint

Fold Over Vegan Clutch in Mint
Fold Over Vegan Clutch in Mint
via Milk and Honey Handbag

Mint Green Heart Stickers 3/4" - Free Shipping / Pack of 82 / Envelope Seals / Wedding Seals / Wedding Invitation Seals / Heart Labels
Mint Green Heart Stickers
via The Loveliest Details

MENS BIKE Shirt Fox on a BICYCLE Mint Green Unisex  American Apparel TShirt
Fox on a Bike
via Dark Cycle Clothing

Large Roll-top -- mint and orange. Made to order.
Large Roll Top in Mint and Orange
via Tich Bags

Geometric platter
Geometric Platter
via  Asleep From Day

Muligheitene er uendelege på Etsy! Eg fell for alt frå interiør og mote, til handarbeidsdilldall og friluftsutstyr. Gåver til meg sjølv og til mannen min. Og til ungane og bestemødrene og tantene og venninnene.... Og sikkert til naboane og hundane deira også, om eg ville. Og det kjem i postkassa fra heile verda. Eg meiner verkeleg frå heile verda. Eg har faktisk vore innpå tanken å begynne å samle på frimerke no, berre fordi den eine pakken frå kor-det-no-var hadde så mange vakre frimerke på seg! Men eg skal ikkje det. Samle på frimerker, altså. Men kanskje storejenta mi er interessert...? ;)

Ha ein inspirerande 1.mai!

mandag 29. april 2013

Ei fryd for sansane

Nytt og fint i Eplabutikken min!
Fryda meg stort over funnet av sju ferdigmonterte sanseputer i ei fin eske på sybordet mitt. Desse satt eg med ein sein kveld i adventstida, men ga opp å få dei ferdige til julemarknad. Så låg dei der berre, fine og fargerike, og venta på at eg skulle finne dei att. Eg sydde dei saman, fyllte dei med vatt, ei lita bjelle og bittelitt lavendel, og så var dei klare for butikken. No ventar dei berre på at ivrige babyhender skal uforske dei; plukke, lukte, føle, smake, sjå og høyre. Verkeleg frydefullt!

Ha ei fortreffeleg veke!

søndag 28. april 2013

Det spirar og gror

Ein liten erteblomst har reist heilt frå Hong Kong, berre som eit lite frø, pakka og sendt hit på bestilling. Bestilt på Etsy, såklart... Og eg kryssa sjølvsagt fingrane for at alle dei mange frøa vi planta skulle spire og gro, for det er jammen ingen sjølvfølge! Men det vesle frøet har våkna til liv, etter å blitt holdt av små barnehender, putta varsamt i god jord, vatna med forventning og glede. Ikkje rart det vil vise oss at det kan!
For kven vil vel ikkje vise at dei kan greie det utrulege, berre dei får kjensla av at nokon trur på dei? Det å vite at nokon set pris på ein og har forventningar til ein, det er så godt! Det krevst vel for at både små plantar og små menneske skal vokse, gro og blomstre. Det trur i alle fall eg! :)
Eg høyrer sjølv at tankane mine er ganske store i dag. At eg kanskje til og med overdriv og snakkar svada. Men ikkje heilt, likevel. Det er jo sant! På dette bildet har lillebror akkurat ramla oppi planteprosjektet vårt. Stakkars små spirane... Men det var heldigvis i den delen der frøbarna enno ikkje har våkna til liv. Og ikkje veit eg heilt korleis eg skal vekke dei heller. Kanskje det er på tide å synge for dei, for det har vi ikkje prøvd enno. Og kultur er jo også viktig for å utvikle seg... ;)
Storesøster er full av omsorg, og hjelper veslebroren sin. Det er godt. Vi er heldige.
I dag har eg jobba for å hjelpe våren i hagen. Vi vil jo gjerne at det skal spire og gro der også, og i løpet av dagen reknar eg med at dei aller siste snøflekkane skal forsvinne. Vi må hjelpe kvarandre. Storesøster hjelper lilleror, eg hjelper våren, og solet og lyset hjelper meg. Gode dagar. Vårdagar.

Håpar du også nyt lyse, gode dagar!

tirsdag 23. april 2013

Kvardagskaos

Ein snartur innom heimen og bloggen.
Storesøster skal i dobbelbursdag. Gåver, kort, fine fletter, selskapskjole...og kjem ho snart heim frå skulen, tru?!
Eg skal på møte på jobben. Litt meir styla enn vanleg, smykke, minnepinne, lipgloss..? For ikkje å gløyme min doble latte. Alltid i handa i det eg fomlar med mobil og nøklar og skal springe ut døra. Alltid. Må ha.
Fingrane er kryssa for at gutane mine får skikk på kjøkkenet i løpet av ettermiddagen...
Velkjent, kanskje?

søndag 21. april 2013

Søndagskveld

Fyttikatta så fort denne veka har gått! Først går det som ein schvupp frå mandag til fredag, så er det lange, gode helgedagar, som plutseleg er over. Heldigvis er tida fylt med mange gode opplevingar, og eg føler at eg blir ekstra merksam på desse når eg har bloggebriller på. Kjenner du det sånn også? At blogginga får deg til å stoppe opp litt ekstra? Eller at du ser verda rundt deg med eit blikk som vil fange opp det vakraste utsnittet? Som om du alltid er klar med kamera, og vil fange opp det som er fint? 

Eg er ein rotekopp. Eg erkjenner det. Slik er det visst berre. Og no har eg blitt trettifem år, og må vel innsjå at eg er vaksen, og at ordenssansen dermed ikkje er noko som automatisk følger med alderen heller. Men eg greier i alle fall å ha det fint på enkelte områder om gongen, berre ikkje overalt på samme tid. Og det kan eg heller verkeleg ikkje forstå at enkelte får til...Jøje meg! Akkurat no har eg slengt beina på det reine og ryddige salongbordet, har tente lys, pc rett i fanget og skal gjere dei siste jobbførebuingane før den nye arbeidsveka tar til. Skal berre litt først... Blogge litt, lese litt nyhende, kjøpe nye sko til vesleguten. Kosar meg! :) 

I dag vart det lite kreativitet i innlegget. Rett og slett litt interiør... Det er ikkje ofte! :) Men eg er godt fornøgd med denne delen av stova. Spesielt no når eg har rooosa tulipanar. Elskar rosa tulipanar! Verkeleg! Og så er eg godt fornøgd med dei to putene i framkant av bildet. Ugleputa i bakgrunnen ser eg at eg definitivt må bytte ut snart. Den er berre ikkje meg. Den gule/kvite puta er heilt ny frå Kremmerhuset, og den store svart/kvite fann eg i Åre før jul. Den er av merket Littlephant, og er heilt skjønn! Det merket har forresten ein babykolleksjon på Lindex no, og eg skulle veldig ønske at den var i større storleikar også! Anbefalar ein titt!

 
Ha ei strålande veke!

onsdag 17. april 2013

Cloudy

Wooden Cloud Stacker- Waldorf Toy- Eco-friendly
via ImaginationKids 

Rain - Screen Print
via Louise Smurthwaite 
Hand Printed Linen Cushion Cover - Hello
via Hellomilky 

Little house on the hill
via Laura Amiss

Ein gråvèrsdag i Trondheim, men snøen smeltar superfort, og eg er glad!
Ville berre vise fram nokre av mine mange favorittar på Etsy, og valgte skyer som tema i dag. Kanskje har du forslag til eit anna tema til ein annan dag? Klikk på bildet eller navnet for å komme til kjelda. :)

Kos deg!

tirsdag 16. april 2013

Brodert mobilcover

Småtteri og pirk og dilldall og skjønnheit... I eit tidligare innlegg har eg vist fram eit mobilcover som verkeleg inspirerte meg. Faktisk inspirerte det meg så mykje at eg straks gjekk i denne butikken og handla det eg trengte for å komme igang (Oj, no var ho nesten utsolgt!). Enno ein ny hobby... Brodering denne gongen. Og heldigvis hadde eg eit knippe brodèrtråd i lekre fargar, som eg ein gong kjøpte inn for å knytte vennskapsband av. Noko eg enno ikkje har brukt dei til, men når eg no kjem på det så får eg litt lyst til å prøve det i kveld... Hmm, vi får sjå kva eg får tid til. ;) Friskt gult mobilcover til min Iphone, og med tråd i gul, lilla-, blå- og grøntonar. Og ein dæsj gull frå mormor si kjøkkenskuff. Frå då eg var med å tømme mormorhuset i påska. Rett og slett ein dæsj gull som sender tankane til mormor på sjukeheimen, og det er ganske fint å ha med! Det minner meg på at det er så mange nye ting som blir enno vakrare om ein tilfører ein dæsj historie. Ein spore til smil, minner og fantasi om kva som har vore og kan komme.
Dette prosjektet er imidlertid ei verkeleg tolmodigheitsprøve! Eg kunne sikkert strikka tre gensrar på den tida eg bruker på denne vesle dingsen. Og eg fryktar nesten at mobilen går ut på dato før det blir ferdig... Heldigvis er det fint sjølv om det er uferdig også! Eg har brodert etter innfallsmetoden, som er min mest vanlege framgangsmåte i mykje av det eg gjer. Det ordnar seg alltid, veit du! ;) Og noko av det som er litt morsomt med dette prosjektet, er all merksemda eg får. Folk stussar verkeleg over kva i all verda eg sit og held på med! Og så får eg så mykje skryt og oppmuntring når dei forstår det, og det er jo kjekt! Men best av alt er det at eg får kose meg med fargesamansetting og geometriske former. Skape noko som er både fint og brukande. Og tenk, heile denne hobbyen får plass i ein liten boks som eg kan ha med overalt! Perfekt å ha i hendene i pausen på jobben, for eksempel! :)
Takk for koselege helsingar på innlegga mine, forresten!
Det er verkeleg ei fryd å vere tilbake i bloggverda igjen!

Nyt kvelden!

søndag 14. april 2013

Lett som ei fjør

Søndagen er på hell og vaffelrøra står på vent. Det har nesten blitt ein tradisjon for oss å ete vaflar til kveldsmat til barnetv på søndagskvelden. Det er så godt! Og etterpå går eg ofte på yoga, men i kveld kjenner eg at eg ikkje skal det. Eg skal berre vere heime, slappe av og kjenne at det er helg nokre timar til... 
Har du det sånn at du har fleire hobbylyster og hobbybehov enn du eigentleg har tid og plass til? Eg trur eg er på randen av ekstrem i så måte, og prøvar stadig ut noko nytt. :) Og då eg kom over verktøy til utskjæring av eigne stempel, ja då måtte det også prøvast. Moro! Utstyret er kjøpt på Etsy, og var veldig rimeleg i innkjøp. Og gummien eg lagar stempelet av, er vel kanskje berre eit digert viskelèr. Og sidan inspirasjonen allerede var på plass, var det berre å setje i gang, og eg vart rimeleg fornøgd med ferdigheitene også, om eg får seie det sjølv... ;) Eller kanskje det berre var nybegynnerflaks? Fjøra fekk i alle fall akkurat det lette, fine uttrykket eg var ute etter, og eg jublar! Vil lage fleire! :)

Ha ein fortreffeleg søndagskveld!

lørdag 13. april 2013

Sette hale på grisen

Ein deilig, deilig laurdag. Årets første tur ut på verandaen, til den herlege, fuglespiste sofaen vår. Perfekt til kaffe latter og lesing. Og perfekt liten gut. Og store jenter som leikar og er greie med veslebroren. Og berre for å gjere det klart; dette er ikkje bildet av grisen som skulle få hale à la Tussi! Nei, stikkande nåler og hylande smågrisar vil vi ikkje ha... ;) Lillebror har forresten fått ny pysj/leikedress, og eelskar den. Fargane er heilt nydelege, og kvaliteten på Katvig er som alltid suveren! (Men nei, eg er dessverre ikkje sponsa...)
Jentene fann på heilt sjølv at dei ville sette hale på grisen, og då var det rett og slett enklast og best å feste papiret rett på vinduet. Tusjmerker på glaset var fort gjort å tørke bort, og ungane storkosa seg i vårsola.
I kveld skal eg bli varta opp av mannen, som gjerne ville lage voksenmiddag etter leggetid. Det er luksus. Sitte i sofaen og vente på at maten blir servert! Nydeleg! :) Storesyster skal snart i seng, og freden har allerede senka seg i stova. Eg skal forte meg å avslutte her, slik at eg rekk å lese litt for henne før ho legg seg. Vi held på med Georgs magiske medisin, og den er utruleg moro å lese. Høgtlesing er ein favoritt for meg, og då er det godt å ha barn som vil bli lest for! ;)

Ha ein avslappande laurdagskveld!

onsdag 10. april 2013

Vårkjolen er klar!

Bloggelysta har komt kastande over meg dei siste dagane. Det kan nok skuldast det fantastiske lyset som verkeleg er tilbake. Sola virkar akkurat som den skal, og sakte men sikkert smeltar snøen litt etter litt. Den er heilt kvit, sidan den fekk eit nytt lag for nokre dagar sidan, og lyset blir reflektert frå alle kantar. Eg elskar det! Eg elskar å komme inn i stova mi, få lys inn gjennom alle dei store vindua mine, kjenne varmen og energien sola gir. Halleluja - det er vår! :) Joda, eg blir nok litt våryr, men det skal ein jo også bli!

Eg har sydd ein sommarleg Sukkertøykjole frå sybloggerboka Made by me (2011), og dette er vel sånn cirka den femte varienten min, trur eg. Den er utruleg enkel å sy! Her har eg lagt inn eit biseband under puppane, for å markere eit litt smalare parti, og eg har brukt eit herleg, gammalt stoffstykke frå FrauSvensson på ermane med litt puff. Det er Ulla bak bloggen Lullaby & lala som driv den etsybutikken, og ho har så vanvittig mange fine retro/vintage stoff til salgs! Det tynne dongeristoffet (trur det kallast chambray) er mjukt og lett og godt, og det har eg funne på Stoff og stil. Symaskinene står framleis på stova. Eg trur eg kanskje må ta litt på dei i kveld igjen. Det er best å halde kontakten! ;)



Ha ein fortreffeleg og vårleg kveld!


blogger template by lovebird