Viser innlegg med etiketten kjole. Vis alle innlegg
Viser innlegg med etiketten kjole. Vis alle innlegg

onsdag 10. april 2013

Vårkjolen er klar!

Bloggelysta har komt kastande over meg dei siste dagane. Det kan nok skuldast det fantastiske lyset som verkeleg er tilbake. Sola virkar akkurat som den skal, og sakte men sikkert smeltar snøen litt etter litt. Den er heilt kvit, sidan den fekk eit nytt lag for nokre dagar sidan, og lyset blir reflektert frå alle kantar. Eg elskar det! Eg elskar å komme inn i stova mi, få lys inn gjennom alle dei store vindua mine, kjenne varmen og energien sola gir. Halleluja - det er vår! :) Joda, eg blir nok litt våryr, men det skal ein jo også bli!

Eg har sydd ein sommarleg Sukkertøykjole frå sybloggerboka Made by me (2011), og dette er vel sånn cirka den femte varienten min, trur eg. Den er utruleg enkel å sy! Her har eg lagt inn eit biseband under puppane, for å markere eit litt smalare parti, og eg har brukt eit herleg, gammalt stoffstykke frå FrauSvensson på ermane med litt puff. Det er Ulla bak bloggen Lullaby & lala som driv den etsybutikken, og ho har så vanvittig mange fine retro/vintage stoff til salgs! Det tynne dongeristoffet (trur det kallast chambray) er mjukt og lett og godt, og det har eg funne på Stoff og stil. Symaskinene står framleis på stova. Eg trur eg kanskje må ta litt på dei i kveld igjen. Det er best å halde kontakten! ;)



Ha ein fortreffeleg og vårleg kveld!

tirsdag 1. januar 2013

Nytt og godt!

Eit nytt år. Nye draumar, nye forhåpningar, nye muligheter. Nye dagar, nye planar, nye avtalar. Mykje er likt som i fjor, men for meg er alltid overgangen til eit nytt år noko heilt spesielt. Eg har så mykje eg vil gjere annleis! Eg vil så gjerne ha meir tid saman med familien min, meir tid for meg sjølv, meir tid til kreative syslar, meir tid til å vere sosial. Trening er ikkje akkurat noko eg har så veldig lyst til å bruke den verdifulle tida mi til, men eg har etter 34 år innsett at det er noko eg berre må igjennom, så blir både eg og kroppen min gladare etterpå. Og sjølv om eg nesten ikkje har lyst til å innrømme det, så er det jo faktisk ganske deilig etter gjennomført økt! Og slik skal eg også auke overskotet, slik at eg kan bruke av sofatidkontoen til desse andre tinga eg så veldig gjerne vil gjere meir av. ;)

Dagens bilete har mannen min tatt av fine familien sin. Den vakre kona hans laga litt bling til seg sjølv til jul, for heile familien var jo på tv på sjølvaste julaften! Vi syng i familiekor, og her kan de sjå oss synge i Byåasen kirke på julaftengudstjenesten... Tilbake til blingen; den er laga av to trekuler og litt skinnsnor. Den vesle trekula er mala med lysrosa hobbylakk, og den store er dekka med bladmetall. Det var moro og fint!

Storesyster fekk ny kjole til jul. På lillejulaften vart knapphola sydde, og knappane kom på. Den nye symaskina mi gjorde jobben på eit blunk, og gjett om eg gler meg til vi skal bli betre kjent! Kjolen var ei prinsesse verdig, og mottakaren var også veldig fornøgd. Ho er jo prinsessa mi! Og med Julekongen som adventskalender, har vi jo gjort oss nokre tankar om prinsessegreier... Ein dag stod ho over meg og sa: "Mamma, du har sølv i håret!!" Haha...akkurat det ein har lyst til å høyre, særleg når ein vanlegvis driv med heimehårfarging og badet no er totalvraka av ein kjip vasslekkasje frå kjøkkenet i etasjen over. Men uansett, litt sølv i håret treng faktisk ikkje å vere så ille. Eg proklamerte at det kom av at eg er ei ekte prinsesse! Akkurat som Eiril i Julekongen! ;) "Nei, mamma, du kan ikkje vere prinsesse, for då må jo tante også vere det..!" "Joda," seier eg, "både eg og tante er prinsesser. Det er berre å sjekke, for om du legg ei ert under madrassen hennar, er eg sikker på at ho har vondt i ryggen når ho våknar!" Og det stemmer alltid... ;)

Veslebror fekk kjepphest i julegåve. Med den kan han vere både ridder, prins og cowboy. Den er vakker og handstrikka, med tjukk, fin man og gulltaumar. Kjeppen er spikka og pussa av ei flott grein, og er både vakker og god å halde i. Takk til julemarkedet i Sommerfuglen steinerbarnehage. Verdas finaste!

Eg har sakna blogginga medan eg har vore borte. Ikkje berre saknar eg det å lage blogginnlegg, men eg saknar også tilbakemeldingane og bloggbekjentskapane. Det er så mange herlege jenter der ute i verda, og eg føler jo at eg kjenner mange av dykk! Kvar dag, mange gongar om dagen, har eg tenkt blogginnlegg. Det trur eg er ein bonus ved å blogge; det at ein ser småting rundt seg med andre auge. Eg kan sjå så mykje i så lite! Og eg har så lyst å dele både tankar, bilder og idèar med lesarane mine. Og for å komme igang igjen skal eg kaste meg med på denne utfordringa. Sannsynlegvis ikkje med daglege innlegg, men i alle fall med nokre kvar veke! :) Sjå meir her!

Årets første blogginnlegg avsluttast med nokre enkle ord. Og frå innerst i hjartet mitt vil eg ønske dykk alle eit riktig godt nytt år, med kjærleik og varme, helse og fridom!

 Holly McCaig

mandag 30. juli 2012

Sommarkjole

Storesøster fekk ny kjole før ferien, og den likar vi godt! Har endeleg kjøpt Meedom-bøkene, og kan ikkje forstå kvifor eg ikkje har gjort det tidligare. Så enkle og fine oppskrifter! Du finn dei her! Stoffet er frå Stoff og stil, og passar perfekt til den bringebærraude buksa Storesøster likar så godt. Men vi har vore heldige, og har ikkje trengt bukse under så mange dagar denne sommaren! ;) 

Eg vart veldig fornøgd med detaljen i nederkant av kjolen. Eit lyserosa sikksakkband er lagt i kanten, og stikk fram som ei fin avslutning. Flinke Grønn lærte meg korleis eg skulle gjere kanten fin ved hjelp av kanteband på innsida, og det var jo kjempelurt! Det ser verkeleg fint og forseggjort ut med det samme. Kanskje eg viser framgangsmåten her seinare, om det er fleire som er interesserte i slike lure triks? :)
Det er ikkje alltid store jenter vil bli tatt bilde av. Men mammaene likar å ta bilder av dei store jentene sine likevel. Fine, flinke, gode, store jenta mi! :) 

Ha ein fortreffeleg kveld!

mandag 14. mai 2012

Mandagsstjerna

Mandag kveld. Ei ny veke er i gang. Ei god helg er over. Håpar veka også bringer mykje glede! :) 
Eg viser fram sybilder igjen. I dag har eg hatt på meg den nye tunikaen min på jobb, og har vore så stolt! Endeleg har eg sydd noko til meg sjølv! Noko som vart vellukka! :) Og eg vil gjerne sy meir også no, når eg først har fiksa og triksa med mønsteret, slik at det meir eller mindre passar til min kropp. Mønsteret har eg funne i boka Made by me, og det er Sukkertøykjolen fra Klinkekult. Min kjole er av lilla babyfløyel og med prikkar på armane. Ikkje noko meir pynt. Less is more, sa mannen. ;) Kjempegøy og akkurat passe enkel å sy!

Stjerna på bildet sit på ei herleg bukse eg tidligare har sydd til Lillebror. Han var så fin i den på laurdag! Vi kosa oss, men det viser kanskje bildet? Mannen måtte knipse bilder, når vi først gjekk i heimesydde klede begge to! ;) Denne guten er stjerna mi...og sjølvsagt er søstra det også! Varm i hjartet!

Eg vil ønske eg ei god og glad veke!

torsdag 10. mars 2011

Fra fest til faste

Denne jenta er med på noko stort. Ho er med på eitt eller annan som betyr noko. Det ser i alle fall slik ut i augene hennar... :) Men det er faktisk sant også! For i går var vi på karneval i kyrkja, og store og små kom til festen utkledd som klovnar, marihøner, indianarar, tigrar, mus og mykje anna. Ja, og sjølvsagt var der ganske mange prinsesser også! :) Storesøster ville vere feprinsesse, og sidan ho tidligare stort sett har stilt på karneval som Bestemor Skogmus eller Pilemus Silkehår eller andre kjente og kjære musefigurar, fekk ho denne gongen kle seg i ein draum av eit rosa tyllskjørt og med krone og vinger og alt ein fe kan trenge..

Men kvifor var det karneval i kyrkja? Og kva er det betydningsfulle vi var med på? Joda, du får eit hint av overskrifta mi... No har vi nemleg gått inn i fastetida, som varer i 40 dagar fram til påske, og då passar det å starte med bollar og saft og moro! :) Skal du faste, kanskje? Eg har ikkje tenkt å faste sånn matmessig (sjølv om eg godt kunne trenge det..), men eg vil velge å kanskje kutte ned på alt det eg puttar i meg som ikkje er mat. Som for eksempel sjokolade (men kaffesjokolade må eg nok ha), smågodt (men kanskje nokre få bitar på laurdagskvelden?) kake på cafè...ja, eg kan ikkje love at eg får det til, men eit litt lavare forbruk burde eg få til i usle 40 dagar! Dessutan vil eg prøve å flytte fokus over på dei som ikkje har slikt. 
Og på kjøkkenbordet står ei lita bøsse frå Kirkens Nødhjelp sin fasteaksjon, 
der eg skal legge på pengar av og til, som om vi har ein usynleg middagsgjest.. 
Tilbake til festen...Eg skreiv jo at du kunne få tips til korleis sy prinsesseskjørt som dette, og det er såå enkelt! Og det kostar minimalt! Tyll fann eg på den lokale stoffbutikken, og kjøpte kvitt, sart rosa og neonrosa. Eg brukte berre tre lag tyll, men kunne godt brukt for eksempel fem lag, for no måtte ho ha på seg underskjørt. Tyllen vart lagt utover stovegolvet og så bretta eg den slik eg har lært av Jamie Oliver! Han har nemleg eit bra triks for å lage eit rundt ark bakepapir til å ha i kakeforma, og det var jo klart at eg kunne gjere det samme! Dermed bretta eg altså tyllen først i to, så på nytt, og så på nytt og på nytt...heilt til det vart ein smal spiss. Ver litt nøyaktig, men ikkje supernøyen, det er litt bortkasta. Deretter klipte eg av skjørtet så det vart i riktig lengde; tenk at spissen er midt i magen, for der skal du etterpå klippe midje. Vips, så hadde eg ein tyllsirkel! Trylleri! ;) Gjer dette med alle laga, og det gjer ingenting om kanten er unøyaktig, det blir kanskje berre fint. Etterpå fann eg midjemålet til storsøster ved å bruke eit anna skjørt (for ho var jo i barnehagen..), rekne litt og finne ut kor stor radiusen skulle vere. (Hehe..eg måtte ringe mannen, men det seier vi vel ikkje til nokon..? Ammetåke?) Så kunne eg berre klippe av spissen på tyllbretten, like langt som radiusen. Hm, skulle eg hatt bilder for å vise dette, tru? Alt eg fann var dette, men du forstår kanskje prinsippet? (Og som bonus var der ei ganske freistande oppskrift...hihi! Oi, det er fastetid no, ja! ;)
Med tyllsirklane ferdig klipte og med fint hòl i midten, var det berre å tråkle dei saman og sette på linningen. Eg brukte stoff frå ein gammal singlet (for eg hadde ikkje riktig farge i stoffhylla mi), men ein kan også bruke silkeband som ein trer strikk igjennom. Heilt til slutt limte (!) eg på små silkeblomster i ulike rosanyansar. Så fiiint! Vingane er frå H&M, krona er laga av ullfilt og strikk, kvit bluse og pensko hadde vi frå før, og Storesyster jubla over å få litt sminke på kinn og augelokk. :) Herleg!
Til meg sjølv sydde eg eit marihøneskjørt på den enklaste måten, og mannen fekk superenkel og morsom bukse, som han kan bruke til både karneval og curling! :) Hihi..eller kanskje sykkelbukse, så blir han i alle fall sett i trafikken! Eg følte meg som ei Superwoman! Tenk å få sydd så masse på ein dag eller to, trilla Lillebror, rydda litt, og mens potetene kokte bakte eg jammen to brett med bollar... 
Puh - i dag gjer eg visst nesten ingenting. ;)

Rekordlangt innlegg, trur eg. :) 
Om du framleis heng med vil eg berre takke og bukke, 
og ønske deg ei meiningsfull fastetid og 
ein strålande dag!

torsdag 23. desember 2010

Ventetida er snart over

No er jula nesten her. Eg har brukt adventstida til å bygge opp forventingar, 
både mine eigne og Storesøster sine. No er forventningane skyhøge, 
og vi gler oss ufatteleg mykje til å vere saman med familien, 
leike, kose, ete godt og ha GOD tid saman.
Denne herlege julekrybba fekk illustrere lille julaften. ;) Eg fekk den av søstra mi for nokre år sidan, og syns den er så herleg. Det er små fingerdukker, og dei passar perfekt til eit bittelite dukketeater. 
Dei kan også vere inspirasjon, dersom du har litt filt eller nokre stoffrestar liggande,
og vil ha ein romjulsaktivitet. Det er jo så enkelt! Bruk lim, nål og tråd, og vips! så har du 
både vise menn, englar og Jesusbarn. Josef og Maria og nokre sauer må jo også få bli med..
Eg har ikkje fått gjort på langt nær så mykje som eg trudde dei siste vekene, 
men er strålande fornøgd med i alle fall ein ting... Eg har nemleg sydd julekjole til Storesøster!
Denne herlege, fine kjolen (ja, eg er kjempestolt!!) er sydd etter mønster frå Stoff og stil,
og femåringen fikk vere delaktig i farge- og stoffvalg. No gler eg meg veldig til ho skal ha den på,
og håpar på masse skryt, sjølvsagt... :)

Håpar du nyt denne spesielle kvelden!

søndag 15. august 2010

Ein spesiell dag

Den vesle prinsessa vår er ikkje så veldig lita lenger, men har begynt å bli stor. Ho har ikkje akkurat bursdag i dag, men det er ein slags merkedag likevel. Lille A kom til verda litt tidligare enn vi trudde, og akkurat i dag har eg komt like langt i dette svangerskapet som eg kom med henne (29+4). Det vil seie at det enno er 2,5 månad til termin... Denne gongen ser det ut som eg kan gå mykje lenger, men ein veit jo aldri. ;)
Då Lille A vart fødd var ho 1220 gram og 42 cm. Då eg var til ultralyd for ei veke sidan anslo dei storleiken til Lillebror til ca 1,2 kilo. Litt morsomt, rett og slett. Har funne fram dei minikleda vi hadde sist, og såg at den herlege ullbodyen i str.44 sannsynlegvis passar til ei dukke. Trudde nesten eg hadde krympa den, men det hadde eg ikkje! :) No har eg imidlertid kjøpt inn litt større ullbodyar, og satsar på at han skal passe i dei når han blir fødd. :) 

Som du kanskje ser, så er alt bra med Lille A. Det er godt, det! 
Tenk å vere så lita og skjør, og så bli så stor og frisk og robust! For eit mirakel! :) 

Skal eg fortelje litt om kva som skjedde då ho kom? 
Eg fekk svangerskapsforgiftning, men sidan det heile starta litt forsiktig reiste eg på togtur til Gøteborg. Medan eg var der var eg såååå sliten, og hadde vondt i bekkenet, og tenkte at "jaja, det er vel slik det er å vere gravid..." Men dagen etter heimkomst var det berre så vidt eg orka å dra ned til den avtalte legekontrollen, og då eg kom dit var det rett inn på sjukehus. "Det kan skje noko i løpet av dagar eller veker, det veit vi ingenting om", sa dei der. Eg vart lagt i ei seng, med ordre om å ikkje lese, ikkje prate, ikkje sjå tv, ikkje tenke, berre slappe av! Hah! Det er ikkje såå lett...men eg var så sliten, at det var ingenting anna som freista, eigentleg. :)

To dagar etter kom legane og fortalte at no var det best for oss begge at ho fekk komme ut, og det vart keisersnitt. Pappaen vart med Lille A til nyfødd intensiv, medan eg måtte komme meg til hektene først. Dei neste vekene (ja, månadane, faktisk) satt vi med Lille A inntil oss, hud mot hud. Ho vekste og hadde det bra, og rett før termin vart vi skrivne ut, og var klare for vår første jul som ein liten familie med ein minibaby. Når eg ser på bilda frå den tida, ser eg at ho var liiita! 
No er ho sååå stor. Elskar å pynte seg, synge og danse, som her. Hoppande og dansande i kosesenga vår, er ho ikkje så lett å ta bilder av, men eg ville berre vise fram kjolen! ;) Denne kjolen vart ferdig i går, og vi er fornøgde! Har ikkje brukt oppskrift, og har prøvd meg på vaffelsaum for første gong. Eigentleg skulle det bli ein sommartopp til meg sjølv, men....som du forstår vart det ikkje heilt som eg har tenkt. Eg er ikkje akkurat lita og spinkel, så det var ikkje slik at det berre så vidt vart ein jentekjole i staden... Nei, det var berre nokre små justeringar og skulderstroppar som skulle til, så var det ein herleg kjole str.5 år! :)
No er kaffepausen over, og eg skal halde fram med prosjekt jenterom! Har masse energi i dag, og så lenge eg tar pauser innimellom, så går det så fint! Deilig å kjenne at eg kan gjere noko anna enn å sitte i stolen og strikke! Sjølv om babyteppet på den måten blir litt oversett... 

Ønskar deg ein strålande søndag!

tirsdag 20. juli 2010

Blind date..?

I dag har eg hatt ein slags blind date... Eg og mannen har det veldig bra, altså, så det var ikkje ein sånn date! Det var meir det at eg skulle få besøk av ei som eg aldri før har møtt, og det er jo litt spennande. :) Og jammen trur eg ikkje at Lille A også var ganske spent, og ho spurte om igjen og om igjen om ikkje dei skulle komme snart. Etterkvart kom gjestane, og det var såå koseleg! (Bortsett frå at  Lille A ikkje akkurat viste seg frå si beste side. Argh! Blir fireåringar litt sære av å ikkje møte andre barn på lang, lang tid, kanskje? Det er i alle fall min teori.. Barnehagen er stengt, alle vennane våre er på ferie og naboar med barn fins nesten ikkje i denne gata... Heldigvis skal ho bli storesøster!!)
Det var ei lita prinsesse og mammaen som kom, og dei kan du bli betre kjent med i denne bloggen, om du vil.
Ferske skulebollar stod på menyen, og det er godt! Det er også koseleg å stå tett saman med veslejenta si, trille bollar og putte på deilig vaniljekrem. Trur dette er Lille A sin favoritt-kosemat, og trur også at eg skal hente meg ein kveldsmatbolle om litt... Med deilig gåvete til!
Lille A har forresten på seg den nyaste sommarkjolen sin, som vi begge er ganske fornøgde med. Mønsteret er det samme som i denne tunikaen, men eg forlenga den litt. Pynta med eit prikkete hjarte og ein stoor knapp i nakken. "Mamma, dette er favorittknappen min!" :) Alle skulle hatt ein favorittknapp!!

Ha ein flott dag!

tirsdag 8. juni 2010

Ein kjole for dei heilt spesielle anledningane

Er ikkje dette eit fint bilde? Eg syns denne kjolen er såå skjønn! Særleg med blomster i håret og baby i magen...
No skal det altså ikkje vere hemmeleg lenger.... Eg har ein liten baby i magen!!
Lille A er utruleg lukkeleg over å skulle få ein lillebror, og eg og pappaen gler oss også veldig!
Og sjølv om magen veks og tida går, så er det framleis lenge igjen... Kanskje blir det oktober?


Bilda har eg lånt frå Grosgrain, som viste dei i dette innlegget for ei god stund sidan.

Takk for alle kommentarane, forresten! Utruleg kjekt med tilbakemeldingar, og eg tar gjerne ein visitt til dei bloggarane som legg att ei helsing. :) Sånn, då har eg laga innlegg nummer 200. :)
Nyt kvelden!

onsdag 28. april 2010

Clothkids

Eg har nettopp komt over ein fiiin nettbutikk! Så då må eg berre gi tipset vidare til alle dykk andre sy- og/eller stoffgale der ute. ;) Syns forøvrig forretningsidèen var glimrande, og dei har visst halde på sidan 1968! I 2008 hadde dei imidlertid ei relansering, og framstår no som freshe og fine!
Dette japanske stoffet frå Echino Kokka er herleg fargerikt og leikent! I alle fall, idèen deira går ut på å tilby ferdige pakkar med alt ein treng for å klippe og sy fine kjolar og friske puter, eller du kan betale ekstra for å få det levert ferdigsydd. Mmmmm....
Ein sånn kjole fekk eg lyst til å lage!
Eller kva med eit skjørt til meg sjølv?
Du kan også få kjøpt stoffa metervis og forskjellig tilbehør, slik som desse enormt store sikk-sakk-banda. Eller kva med kanteband i Libertystoff? Eller knappar til knappebruk eller øyredobbar? Eller-eller-eller...! Eg blir inspirert, eg!
Du skal nok ikkje sjå bort i frå at det kjem inn ei bestilling frå meg...
Butikken heiter
-og eg håpar du kosar deg om du stikk innom!

fredag 8. januar 2010

Deilig ullkjole

Tusen takk for all responsen på forrige innlegg! Det er sååå kjekt å sjå litt kven det er som er innom bloggen min! :) -og på kjøpet fekk eg gode sytips også...bonus!

Den brune ullfilten kjøpte mamma til meg i fjor, slik at eg skulle sy kjole til Lille A. No var det jammen bra at eg fekk gjort det, for det holdt akkurat med stoffmengde. :) Eg tok utgangspunkt i eit Gynthermønster, og så gjorde eg kjolen heilt enkel, slik at den er lett å kombinere med dei mange ulltrøyene vi brukar no.

Lomma er eige mønster, men inspirert av ulike kjolar eg har sett rundt omkring.. :) Og Lille A likar såå godt det rosestoffet frå Stoff og stil. Men eg trur ikkje kjolen vart heilt som ho tenkte, for ho hadde ikkje lyst å ta den på... "Æ vil ha gull og rosa bånd på..." Uff, ho fekk jo seie kva ho ville ha, og så blei den heilt annleis. Og kjolen skulle jo i utgangspunktet vere til ei lita venninne, men eg kom plutseleg på at ho flyttar til varmare strøk snart. Så då får eg lage ein litt meir sommarleg variant til henne! :) Og Lille A får fort noko ho blir glad for, ho også...hihi!

No håpar eg på litt meir varme snart! I går fyrte vi i TO vedovnar i det vesle rekkehuset vårt..og enno er det is i alle vinduskarmane på stova! Men vi får det nok koseleg likevel, og det er godt at det er fredag!

God helg til alle dykk!

søndag 9. august 2009

Soppkjole


Denne formiddagen har eg sydd kjole, med Lille A tett ved sida mi.
Det er koseleg å sitte saman med deg, mamma!


Utforminga var eit samarbeid. Lille A valgte sjølv det gule kantebandet og dei rosa knappane, og var fast bestemt på at det skulle vere ein soppkjole. Det brune stoffet med dei fine grøne prikkane har eg kjøpt på Retrodepot, medan stripene er frå Panduro og resten frå Stoff og stil. Mønsteret er det samme som eg brukte på den lilla kjolen eg tidligare har sydd, men med nokre justeringar i halsen.
Og forresten, eg kunne nok heilt sikkert laga ein finare saum på kantebandet, men det vart ikkje det i dag...eg er liksom ikkje typen som gidd å rekke opp i tide og utide. ;)


Og med løfte om non stop i premie, stilte jenta velvillig opp til fotografering.

tirsdag 28. juli 2009

Endeleg retro!

Denne kjolen må eg seie meg svæært nøgd med! Den vart kjempefin, og midt i blinken til ho som skal få den , trur eg. Den er sydd av eit gammalt restestoff, og kanta med vanleg grønt kanteband. Det vart ein fin kontrast! Knappane er trykknappar frå Panduro.

Eg ville at det skulle bli eit sett, og laga difor ei grøn bukse som skulle matche. Første forsøk var skikkeleg mislukka, men denne gongen gjekk det betre. Stoffet er jersey frå S&S, med kjolestoffet nederst i beina og som elefantapplikasjon. Oppskrifta er på ein måte frå Ottobre nr.6/2007, men den er gjort litt om på.
Nederste bildet er eit nærbilde av elefanten, som er klipt ut på frihand etter eige hovud, men som vart litt rufsete då eg sikksakka kanten. Neste gong skal eg finne ein annan måte å gjere det på, trur eg.

lørdag 13. juni 2009

Lilla kjole i dag



















I dag har det blitt ein lilla kjole av stoffet eg handla i går. Lille Anna fekk velge mellom kjole og bukse, og valget var enkelt... Her ser ho på Stemorsblomen ho fekk av naboen tidligare i vår, og som er hennar eigen.


















Kjolen er av lilla Lille Martine frå S&S, og med lappar med "stjernemønster". Ho ville heller ha det enn det småblomstrete, og fekk sjølvsagt vere med å bestemme sjølv.



















Perlemorsknappar på skuldrane og skråband rundt kanten. Brukte ei oppskrift frå "Sy till barnen 0-4 år" og laga kjolen i str. 3 år. den er ganske stor i storleiken, og liksom litt hengete øverst, så neste gong får eg vel prøve å tilpasse litt meir.



















Detalj frå ryggen - eit lite hjarte mellom skuldrane.


blogger template by lovebird