søndag 31. januar 2010

"Pappa blir forelska når han kommer..."

Vi satt ved kjøkkenbordet, Lille A og eg, då ho ser på meg og seier "Pappa blir forelska når han kommer." Eh, hæ? Kva veit vel min 4-åring om forelskelse, tenkjer eg... "Han blir forelska i blomsten!" Hihi...vi hadde nettopp vore på butikken, eg og ho, og no satt vi og venta på pappaen. Forsinka, som vanleg.. ;) På butikken hadde Lille A fått velge ein blome til oss, og valget fall på ein bitteliten, rosa ildtopp. Denne passa perfekt i ein heilt skjønn, liten kopp søstra mi har laga til meg. Koppen er ikkje berre perfekt til ein litt ettermiddagskaffe, men også perfekt til ein ildtopp ein kan forelske seg i!

Eigentleg tenkte eg å bruke ildtoppen til eit endeleg-er-det-helg-innlegg, men dagane går så vanvittig fort! Eg har det ekstra travelt med jobbting for tida, og så har eg jo nokre andre ballar i lufta også. ;) Gårsdagen var jentedag her i heimen, og skulebollane var suksess! Mmmm.... I dag har eg sydd for harde livet. Har nemleg ein plan. Men den kan eg røpe meir av seinare. Hihi!

Tusen hjarteleg takk 
for all responsen på give away'en! Så morsomt å få så mange kjekke kommentarar! I løpet av veka vil eg komme innom kvar og ein og kikke litt!

Ønsker dykk ein framleis god søndag!
Klemmm

mandag 25. januar 2010

Hihi...give away!

Dette er såååå gøy!
Eg syns det er utruleg inspirerande å vite at så mange er innom bloggen min, og eg blir så glad! Spesielt glad blir eg når eg får kommentarar, for då kan eg liksom sjå litt kven de er, alle de som følger med på det eg viser av inspirasjon, kreativitet, tankar og gleder. :)

For å kunne gjere litt ære på gjestane mine, vil eg gi ein av dykk ei gåve. Aller helst skulle eg gitt noko lite til kvar og ein, men det blir det ikkje, altså... :)

Give away
1. Legg att kommentar på dette innlegget, så får du eitt lodd.
2. Legg ut link til bloggen min på din blogg, så får du enda eitt lodd.
3. Legg deg til som følger av bloggen, så kan du få eitt lodd til.

Du kan altså få tre lodd, og du må skrive i kommentaren kor mange lodd du tar.
Bruk gjerne det øverste bildet når du lagar lenke hit.
Denne rundputa går i posten til vinnaren. Den er laga av eit herleg, retro dynetrekk i blåtonar, eit stykke linstoff, ei heklebrikke frå loppis og nokre knappar og band.
Vinnaren trekkast fredag 5.februar.

Ha ei herleg veke!

søndag 24. januar 2010

Origamital


No har eg gjort det, og det var slett ikkje vanskeleg!
For ei tid tilbake fann eg Muji origamipapir på Åhlèns, og har hatt ein tanke om kva det skulle brukast til, men sidan det enno ikkje har blitt noko av, er eg glad for at denne idèen kom. Eller den kom vel ikkje heilt av seg sjølv... Det var via Bloesem at eg såg potensialet i desse origamitala, og hos henne finn du også hjelp til å komme vidare til oppskrifta. Ja, eg kan jo sjølvsagt også gi deg instruksane, som du finn hos Origami Club.


Det har vore ein spiker i denne veggen sidan vi flytta inn, og eg har ikkje funne det rette bildet å henge opp... Men no er eg fornøgd!


Likte dette søndagsbildet, sjølv om det nok er litt overeksponert. :) Likar stemninga i det, kanskje også fordi eg veit kva slags stemning det var i stova då eg tok det. Mannen sitt i sofaen med Lille A tett inntil seg, og ho høyrer konsentrert på Teskjekjerringa som vi lånte på lydbok på biblioteket i går. Eg puslar rundt, småryddar, drikk kaffe latte, knipsar bilder og kosar meg. Herleg søndag! Kanskje litt tidleg med påskeliljer, men det syns dei ikkje på Ikea. ;)


Det er ikkje ofte eg viser bilder frå huset mitt, men dette bildet også viser litt søndagsstemning, syns eg. Det er kroken ved vinduet, med to store vindu i kvar side av eit hjørne, og godstolen i midten. God utsikt ut det eine vinduet, og skogen i det andre... Likar sååå godt å sitte der! 



Har fått min første award! Tusen takk, Kamille! Eigentleg følger det nokre oppgåver til ein slik award, men eg vil velge å berre bli så glad, så glad, og takke og bukke!

No skal eg jobbe litt, slik eg ofte gjer i godstolen på søndagskvelden. :) Kvifor kan eg ikkje gjere det ein annan dag i staden? Må liksom utsette det så lenge eg kan... I morgon blir det give-away, og eg gler meg!

Ønsker dykk alle ei fin, ny veke!

lørdag 23. januar 2010

Papirdukker frå 50-talet



Det har vore roleg herfrå i nokre dagar. Eg har nemleg ein del planar, og jobbar hardt for å realisere dei. ;) Først i køen stod ein premie til give-awayen eg skal ha her når eg rundar 10.000 besøkande, og det er ikkje så lenge til! Eg har laga noko som vart ganske fint, ganske personleg og ganske morsomt, og håpar det kan lokke mange til å delta. :) Men det er sjølvsagt litt hemmeleg enno... I morgon skal eg fotografere, og så får de sjå i løpet av nokre dagar.



Eg likar så godt desse papirdukkene! Herleg nostalgiske! Dei er ekte vare frå 50-talet og tidleg 60-tal, og heiter Betsy McCall Paper Dolls. Dei er til og med gratis å laste ned og printe ut! Tusen takk til Badut som viste veg!



mamma var lita, på 50-60-talet ein gong, budde min morfar nokre år i Amerika. Det var jammen eksotisk! Eg har fått høyre ein del om den tida, og eg har sett nokre av dei fantastiske Amerikakjolane han kjøpte og sendte til jentene sine på Sunnmøre. Noko av det som er så morsomt med desse papirdukkene er nettopp at dei minner meg om desse kjolane eg har sett heime hos mamma eller mormor. :) Herleg!



Også morfar sine småjenter laga nok teselskap i blant, og faktisk poppa dei popcorn også! Popcorn var ikkje noko ein fekk kjøpe i daglegvarehandelen på den tida, og min morfar hadde kjøpt upoppa popcorn i Amerika, og sendt det i posten saman med ein beskrivelse av korleis det skulle poppast. Eg ser for meg mormor på kjøkkenet, med mamma og søstrene med sine store, fine hårsløyfer ståande rundt. Der står dei nok og undrar seg over kva som skal skje med desse små, harde frøa i posen. Mormor puttar dei i panna, slik ho så ofte gjorde då vi var små og på besøk også, og så skvett både ho og jentene til då dei første smella kjem. Hihi! Og når poppinga sluttar, veit du kva dei gjer? Jo, då finn dei fram kvar si skål, og trur du dei drysser salt på? Neida, for dette stod det ingenting om i oppskrifta, så dei gjer det dei trur skal gjerast.... Mmmm, ingenting er som ei skål popcorn med mjølk og sukker på! Haha! Må berre rette meg sjølv litt, etter innspel frå ho som var til stades - det var mjølk og bringebærsyltetøy! Mmmm, enda meir interessant!

Ha ein fin laurdagskveld, med popcorn, latter og kos!
Klemmm

tirsdag 19. januar 2010

Friskt, finsk interiør


I dag kom eg over ein finfin blogg, med inspirerande interiørbilder... Dette barnerommet ser delikat og innbydande ut, og har mange morsomme detaljar.Sjå berre på desse herlege putene! Innlegget er merka DIY, men det er så finsk! Eg forstår ingenting finsk, sjølv om eg verkeleg legg godviljen til! ;)

Sjå innom Varpunen!




Alle bilder er lånt av Varpunen

Ha ein fin dag!

mandag 18. januar 2010

Blomsterprakt og favorittpingvinar


Det er så vakkert når sola skin inn gjennom stoveglasa, og det er lyst og varmt og reint og koseleg. Hmmm, og så har eg ein heilt fantastisk tulipanbukett! Takk, M&K. Vi hadde gode vennar på middagsbesøk på laurdag, så eg kom meg etterkvart ut av pysjen, og inn i litt finare klede og sminke. ;) Det er godt med innedagar, men det er jo deilig å pynte både seg sjølv og huset litt også!


Eg skulle ønske eg hadde hatt denne i helga! Dette er frå no av mi nye favorittbukse! Hihi! -berre så synd at den er så pysj'ete at eg ikkje kan bruke den andre stader enn heime... Den vart sydd no i kveld, og det gjekk faktisk heilt problemfritt denne gongen. Eg la berre ei gammal pysjbukse oppå pingvinstoffet frå Stoff og stil, teikna rundt og klipte. Så sydde eg den god og romsleg, og fekk hjelp til å ta bilder. Etterpå sette eg i strikk nederst i beina og oppe i livet. Heilt perfekt!

Til slutt må eg berre vise fram Frodige Fru Amaryllis... Ho har stått og vist seg fram i finstasen så utruleg lenge! Eg fekk ein nesten blomstrande amaryllis av pappaen min nokre veker før jul. Han hadde kjøpt den på Rema for 74,50 på vegen hit, og eg syns sjølvsagt at den var heilt skjønn. Særleg då det kom fire nyyydelege, kvite blomar i toppen! Og så oppdaga eg at det kom ein knopp nederst, men tenkte nok at den ikkje kom til å overleve jula heime aleine. Likevel, då vi kom heim frå juleferie stod Frodige Fru Amaryllis godt støtta opp mot kjøkkenvinduet. Ho hadde jobba hardt for å nå tak i dagslyset, og var blitt heilt skeiv og skakk, stakkars. Eg gjorde så godt eg kunne for å stelle godt med henne, for ho hadde trass alt fått enda fire, flotte blomar i toppen. Avklipt og i ein enkel vase har ho stått fornøgd og vist seg fram i to veker, men i dag var det slutt. Eg takka ho for all gleda ho har gitt meg gjennom si skjønnheit, og putta ho varsamt tilbake i remaposen under vasken...sukk. No er jula veldig over.

Eg ser forresten at det nærmar seg 10.000 besøkande på bloggen min sidan eg begynte å telle i sommar... Det er såååå gøy! Kjempeinspirerande for blogginga å sjå at så mange er innom, og eg går no og grublar på korleis eg best kan takke dykk. Det blir nok heilt sikkert ei lita feiring her inne når eg passerer det magiske talet! ;)

Enn så lenge ønskar eg dykk alle ei god veke!

søndag 17. januar 2010

Little Mi for Haiti


Fröken Skicklig lagar dei mest fantastiske dukkene, som alle har ei personleg historie... Herlege, små vesen, og ein nydeleg blogg!

Desse små dukkene er nettopp lagt ut på Etsy (pass på, dei blir selde utruuuleg fort!), og dei har tilhøyrande varmeposar, slik at dei er gode, gode, gode vennar for ein kald liten skatt som legg seg i den kalde senga si om kvelden. Og det som gjer akkurat desse ekstra spesielle, er at Fröken Skicklig har bestemt å gi ein donasjon til ofra på Haiti. Ho skriv sjølv:  

For this item Fröken Skicklig Crafts & Care donates 7.50$ to Médicins Sans Frontières to help Haiti
***
Nothing is better against cold feet and a bad stomach than a hot-water bottle. But days in bed can be quite boring without a little friend.

Little Mi likes to share her soft pillows and brings a sweet lavender scent to you. If you are sad, she will make you smile. If you are feeling ill, she will whisper you a little story about freckles, summer and picnic baskets with chocolate cookies.




La oss hugse på kor heldige vi er. Enten vi har ein heilt super søndag, eller om vi har det litt kjipt om dagen...
Vi er heldige! Trass alt!

Eg vil gjerne utfordre andre bloggarar til å gjere ein liknande innsats! Kanskje har du epla-butikk? Eller kanskje du kan hjelpe på annan måte?

Ta vare på søndagen, dei du er glad i
og dei som ikkje har det så godt!
Klem

lørdag 16. januar 2010

Tulleugle og ugletull


Eg har laga ei lita ugle til å henge på for eksempel ei barnevogn. På bildet er det Lille A si flotte, grønne dukkevogn som er prøvekanin, men tanken er å gi bort ugla i gåve til ei eg kjenner. Den vart typisk litt snodig... Hihi! Eg er visst ikkje særleg god til å sy under press. Det passar meg mykje betre å sy noko for moro skuld, og så sjå kva det blir. Det var forsåvidt moro å sy denne også, men det vart så seint på kvelden, så eg gjorde nokre tullete slurvefeil. Difor tittelen tulleugle og ugletull.. Den er jo tullete den ugla!


Syns likevel at ugla har litt sjarm, og så vart den flott på baksida. Dersom den skal henge på ei vogn må den jo vere fin frå begge sider! Eg har brukt brun ullfilt og ulike stoffrestar og band frå skuffene... Vart litt inspirert av mine eigne sanseputer, sjølv om det nesten ser ut som eg er inspirert av dei snåle gremlinsane også. Haha! Tanken er i alle fall at kontrastane mellom lyst og mørkt, det taktile (altså kjensla) og det estetiske skal vere stimulerande for barnet. Den er fyllt med ris, så den heng tungt og godt, men eg veit ikkje heilt... Må nok lage fleire før eg blir heilt fornøgd.

Det er godt det er laurdag...eg har sååå mange planar, og må nok inn i eit litt høgare gir om eg skal rekke alt! Forløpig er det pysjbukse og husarbeid som gjeld, men det skal nok bli meir etterkvart!

Ønskar deg ein verkeleg god laurdag!

torsdag 14. januar 2010

Vårleg frå Panduro!

 
Friske fargar og herleg kreativ inspirasjon frå Panduro sin vårkatalog som kom i posten her om dagen... Eg fann så mykje fint, og får lyst til å handle og lage både det eine og det andre! Mmmmm....må vel ta ein runde i butikken og helse på gamle kjente snart. :) Klikk på bildet for å bla i katalogen!


Tok med Mannen på ein bitteliten bytur i dag. Husvasken freista ikkje (sjølv om eg nesten angrar no når eg ser på kaoset rundt meg..hihi), og han ville gjerne til byen. Så då gjekk vi på cafè, berre vi to! Det er ei litt rar kjensle å rusle rundt i byen så aleine...men veeeldig godt også! Og Lille A storkosa seg i bursdag! Uheldigvis stengte alle dei koslege butikkane omtrent då vi kom ut av cafèen (eg har ikkje så stor sans for typiske kjøpesenter...), så vi rusla rundt i den sure vinden på Nordre ei lita stund, før vi kapitulerte og sette oss i bilen igjen.













Alle desse fine bilda er frå
Panduro

Ha ein herleg kveld!

onsdag 13. januar 2010

Bursdagsforkle...


Endeleg fekk eg brukt symaskina litt igjen! Den står stadig framme på kjøkkenbordet og freistar, men det er så mykje eg skal ha gjort heile tida! I dag har eg faktisk vore på trening, og er ganske fornøgd med å ha tatt meg sjølv i nakken og komt meg i veg.... Vanngym er ikkje berre slitsomt, men også utruleg varmt og godt og deilig! Og så skulle eg berre sjå noko spennande på tv, og SÅ kunne eg omsider sette meg til å sy. :)

Lille A skal i 4-årsdag i morgon, og sidan eg ikkje rakk nokon bytur i dag, måtte eg vere litt kreativ i forhold til gave. Trur vi er einige om at bursdagsbarnet blir fornøgd. :) Eg fann fram favoritt-soppstoffet, pompongar og ulike band, og så var det berre å sette det saman på ein herleg fargerik, jentete måte.

Det stoffet er det forresten Karen Klarbæk som har designa, og det finns (som så mange andre fine stoff ho lagar) å få kjøpt på Stoff og stil. Karen har ein inspirerande og fin blogg, og ho er så raus! Ho deler villig på erfaringar og idèar, og eg anbefaler verkeleg ein tur innom:


No skal eg ta natta, for i morgon ventar ein ny, innhaldsrik dag... Berre eit lite spørsmål til slutt:
Når Lille A er i bursdag i to timar i morgon ettermiddag vil eg gjere ein av desse tinga, men greier ikkje å bestemme meg... Kva ville du valgt?
A - reist heim og jobba effektivt for å få unna helgevasken, slik at fredag blir kos?
B - reist til byen og shoppa effektivt på salg, slik at slepp det på laurdag?
C - tatt med Mannen til byen, shoppa litt og gått på cafè i fred og ro?

God natt!

mandag 11. januar 2010

Geninne's Art Store


Eg må berre lage eit nytt grafisk innlegg på bloggen min. Har leita og leita etter kunstnaren bak bildet Lovebirds som eg har hatt liggande på desktopen min, og etter å ha gått nokre runder på Etsy fann eg ho endeleg! Ho heiter Geninne, og har maaange fine illustrasjonar på sida si.

Dette bildet heiter Pile o Wood. Så enkelt - så fint!


Dette får meg til å lengte etter våren... Det heiter Terrarium, og gir meg lyst til å grave i hagen, plante små frø og sjå det vekse fram dei mest vidunderlege ting! Åh, eg håpar eg får til det i år!


Denne ABC of Birds er fantstisk flott og detaljert...
Trur den står på ønskelista til bursdagen min!

Alle bilder er lånt frå Geninne's Art Store.

søndag 10. januar 2010

DIY knapp

Ja, så blir det altså enda fleire knappar her...hihi! Eg har fått nokre spørsmål om korleis eg lagar knappar, og kjem difor med nokre oppklarande ord og bilete her. Eg har kjøpt utstyr på Stoff og stil, og brukar i tillegg bittelitt stoff, saks, nål og tråd. Klipp ut ein sirkel av stoffet du vil bruke, og tenk på kor du vil at mønsteret skal treffe. Snurp saman kanten, som når du lagar yoyo, legg den i verktøyet med bakstykket på og press. Vips!

lørdag 9. januar 2010

Naokostoop

Det kan kjennast ut som det er på tide å sende ut ei lita due...så kan vi sjå om den kjem tilbake med noko som kan gi håp om litt varmare dagar snart. :)
Dette bildet heiter Hope Bird og er laga av Naokostoop, som eg fann på Etsy. Likar godt streken, og det reine, naturlege uttrykket treplata og dei enkle fargane gav.
Oak Reading Room
"Please keep quiet. This is a library in the woods. Thank you!"



Det har vore ein deileg laurdag her hos oss. Mannen har tilbrakt natta og dagen på fjellet (joda, han ER ein friskus!), medan eg og Lille A har kosa oss heime og på bytur. Det var herleg å vandre rundt i byen i dag, med relativt lite folk, mykje fint å få på salg og gode vennar på cafèbesøk! No skal vi nyte kvelden i reint og kosleg hus...

Ha ein fin laurdagskveld!

fredag 8. januar 2010

Deilig ullkjole

Tusen takk for all responsen på forrige innlegg! Det er sååå kjekt å sjå litt kven det er som er innom bloggen min! :) -og på kjøpet fekk eg gode sytips også...bonus!

Den brune ullfilten kjøpte mamma til meg i fjor, slik at eg skulle sy kjole til Lille A. No var det jammen bra at eg fekk gjort det, for det holdt akkurat med stoffmengde. :) Eg tok utgangspunkt i eit Gynthermønster, og så gjorde eg kjolen heilt enkel, slik at den er lett å kombinere med dei mange ulltrøyene vi brukar no.

Lomma er eige mønster, men inspirert av ulike kjolar eg har sett rundt omkring.. :) Og Lille A likar såå godt det rosestoffet frå Stoff og stil. Men eg trur ikkje kjolen vart heilt som ho tenkte, for ho hadde ikkje lyst å ta den på... "Æ vil ha gull og rosa bånd på..." Uff, ho fekk jo seie kva ho ville ha, og så blei den heilt annleis. Og kjolen skulle jo i utgangspunktet vere til ei lita venninne, men eg kom plutseleg på at ho flyttar til varmare strøk snart. Så då får eg lage ein litt meir sommarleg variant til henne! :) Og Lille A får fort noko ho blir glad for, ho også...hihi!

No håpar eg på litt meir varme snart! I går fyrte vi i TO vedovnar i det vesle rekkehuset vårt..og enno er det is i alle vinduskarmane på stova! Men vi får det nok koseleg likevel, og det er godt at det er fredag!

God helg til alle dykk!

tirsdag 5. januar 2010

Inspirasjon, ullfilt og gøy med knappar

I stova mi er det kaldt. I alle fall ganske kaldt. Litt sånn kaldt at eg er kald på fingrane når eg bloggar, og eg er sjeldan kald på fingrane. Hrmpf.

Medan eg sat i godstolen, med strålande varme på peisen og sju gamle, stooore glasruter rundt meg, fekk eg ein idè. Eg vil sy noko av ullfilt! Varm og god ullfilt! Så blogga eg litt til, las litt om kva som har skjedd i verda i dag, sjekka e-post, surfa...ja, du forstår nok kva eg meiner, og vips! så hadde tida gått, og eg hadde enno ikkje funne fram symaskin og andre sysaker som eg vil fylle kjøkkenbordet med. Og no begynte det nesten å haste litt, for eg tenkte faktisk å sjå bittelitt på tv også.. Eg laga meg deilig, varm te, rista ei brødskive og fann fram nokre småting frå dei utallige eskene, posane og småkoffertane eg har slike småting i. Og dette var kjekt! Eg kraup godt opp i sofaen, men før eg visste ordet av det sat eg jammen heilt utpå sofakanten av berre iver. Hihi!

Så i kveld vart det altså knappelaging for første gong. Og det var utruleg moro! Så no må eg berre finne prosjekt til alle knappane eg vil lage, og eg skal begynne med det som det er bilde av. Det er brun ullfilt, lilla stoffbitar, knappar og band av ulike slag... Det å legge fram ting på denne måten er inspirerande! Så no håpar eg altså at eg i løpet av veka skal få sydd ein ganske liten kjole av dette! :)

Har du sydd noko av ullfilt før? Treng eg å gjere noko med kantane? Kan eg kanskje berre klippe, feste pynten og sy saman kjolen utan å tenke på noko meir? Hmm, tar gjerne imot tips og gode råd! ;) Eller så får eg gjere det på Guromåten, det vil seie prøve først, gi opp etterpå, og så prøve på noko heilt anna seinare...hihi!

mandag 4. januar 2010

Marlies Romberg

Eg drøymer litt igjen... Også denne gongen er det ein framtidsdraum, men den er berre heilt enkel og egoistisk, og slett ikkje visjonær eller djupsindig på noko vis. ;) Men eg drøymer altså om eit stort og fint hus med mange fine rom... Som til dømes eit eige bibliotek! Og i dette biblioteket, som slett ikkje skal fyllast med tunge chesterfieldsofaer og grøne lampar, skal bøkene stå sortert etter farge og storleik, det skal vere lyst og lett, og inntil eine veggen skal eg ha ei slik datamaskin. Herleg!
Denne maskina er designa av nederlandske Marlies Romberg, og den har det klingande navnet Dear Diary 1.0. Eg kan lese at ho har som mål "to materialize the ungraspable fast digital world and create an opportunity for nostalgia in this future world." Dette likar eg! Og kjensla av tre er jo så god!
For å matche det heile får du sjølvsagt minnepinne i porselen og med silikonstempel, slik at du kan halde løyndomane dine for deg sjølv. ;)

Det er Bloesem som har funne fram dette for meg, og ho har også mykje anna fint på bloggen sin. Alle bileta har eg henta frå mocoloco.

Ha ein fin kveld!

søndag 3. januar 2010

Ein ny start!

Først og fremst vil eg ønske dykk alle eit riktig GODT nyttår!
Eg har hatt ein fiiin ferie, og har verkeleg kobla av og trekt ut kontakten...hihi! Har ikkje hatt ein pc i fanget sidan før jul, og det har vore godt. Det er ikkje så vanskeleg som mange trur! -men eg må seie at det er kjekt å vere tilbake! ;)

I jula har vi vore på vestlandet, og på julaften var vi i denne fine kyrkja. Saman med flokken av svigerfamilie og Lille A kosa vi oss med julegudsteneste, kyrkjeklokker og julemusikk. Eg går gjerne i kyrkja elles også, men sjølvaste julaften er stemninga heilt spesiell. Då Lille A la seg denne kvelden, var det pappaen som satt og snakka litt med henne før ho sovna glad og fornøgd. Han spurte kva som hadde vore det fiiinaste denne dagen, og ho svara: Babyen i krybba. Så fiska han litt meir, og spurte kva som hadde vore det kjekkaste, og godjenta svara: Å stå på ski ute! -Men kva med gåvene då? spurte pappaen, og joda, dei også hadde vore kjekke! ;)
Ho var jo så utruleg nydeleg der ho satt med bestemor si gamle dukke i fanget. Pynta for julekvelden, og fylt av glede og forventning... Denne kåpa fekk ho i julegåve, og eg har sagt tydeleg frå til mannen at den finnast i vaksenstorleik og at eg har bursdag i februar...hihihi! Det hadde vore så kjekt å ha samme skjønne jakka som den skjønne jenta mi har!
Turen over Dovrefjell var vakker denne lille julaften...lite snø, men blå, blå himmel og -25 grader.
No har kvardagen komt tilbake for fullt, med jobb og stor aktivitet! Og så har eg ein liten plan, men har nesten lyst å halde den hemmeleg...det blir så forpliktande å skrive det her, men samtidig er det kanskje akkurat det eg treng! Eg har nemleg tenkt å bruke tida mi i 2010 til meir hobby, mindre tv, meir trening, mindre godis... Eg skal bli både sprek og utvikle kreativiteten min! Oioioi, eg får det visst ganske travelt! Fleire som vil vere med? ;)

Heilt til slutt: Takk til alle dykk som ikkje gir meg opp, sjølv etter to veker stillstand på bloggen! No blir det skjerpings, altså! :)


blogger template by lovebird