torsdag 31. mai 2012

Med hint av neon

I forrige veke var det omtrent 20 grader varmare i Trondheim enn det er no. Det er STOR forskjell! Vi fekk ein smakebit av sommaren, og måtte plutseleg legge bort ulla og gå til innkjøp av sommartøy til barna. Men gleda var relativt kortvarig. Eg syns det regnet som kom i ettermiddag var litt i tjukkaste laget for mai å vere... Heldigvis kjem sola igjennom av og til, og den varmar godt i stova vår! Sommarblomstrane må vente, for det er framleis ganske kaldt om natta. Joda, eg har jo nokre på trappa, men har gitt opp å flytte dei inn og ut etter temperaturen, og tenker at det er survival of the fittest som gjeld. Dei skal jo trass alt overleve resten av sommaren også.. ;) Er det kanskje litt ulogisk tenking?

Ute på verandaen står ein fin turkis sofa. Den er storebroren til den vesle turkise sofaen vi har i stova, og som vi ikkje kan kvitte oss med, sjølv om den syng på siste verset. Men den syng i det minste enno... ;) Og då storebroren slutta å synge for eit par år sidan, og vi måtte bytte den ut, sette vi den midlertidig ute. Den har stått ute i vind og vèr, sommar som vinter, og den får vare så lenge den varer. Vi diggar den! Rett og slett! På bildet har den fått selskap av eit loppisnattbord, som etterkvart skal fiksast litt på og flyttast ut i leikehytta, når den ein gong skulle bli innflyttingsklar. Trollhasselen kjøpte eg på Mester Grønn tidlig i vår, og den kvite fuglen er frå Panduro. Det vart frisk og fin og herleg pynt med nokre fine tapebitar. SJØLVSAGT ispedd litt neonfarge. Kven hadde trudd at eg skulle like DET igjen?! 

Eg GLER meg til solnedgang og kvitvin her ute i sofaen!
Nyt dagen!

3 kommentarer:

  1. Fiint:) og herligt syrom onna her! ja her og fekk m steika oss godt i solå heile forrige uka, tom mandag faktisk - men nå e d frysing ijenn, for min del vertfall, fortsatt sol å fint, men for kaldt for lite kler for min del..:)
    klem june:)

    SvarSlett
  2. Nå er det sol igjen! Men gaaanske kaldt! Tok meg en sykkeltur/hente pakke/hente ting-tur ikveld med lue skjerf og votter. Bedre det enn å fryse :o) Trendsetterne sier neon og vi labber såklart etter. Det er jo bare knall! (tihi) Kos deg med vinen!

    SvarSlett
  3. brrr..her sludda det og i dag, utrivelig!
    digger turkissofaen ute!! digger dem inne og da, bare så det er sagt ;)
    siste turkise bidrag her i huset, er to turkise stoler i samme serie..konge!!

    SvarSlett



blogger template by lovebird