søndag 19. juni 2011

Kreativ med og til barn

Først av alt: Tusen takk for at de er så flinke til å legge att kommentarar!
Blir så utruleg glad i hjartet av det! :) Takk!
Prøvar å besøke alle som har skrive nokre ord, men må innrømme at det ikkje er alltid eg rekk det.
Men om eg ikkje legg at helsing, så kan det godt hende eg ar vore innom likevel!
På denne måten kjem eg over nye, fine bloggar som eg ellers ville gått glipp av..

I dag vil eg vise fram ein fin liten ting som eg og Storesøster laga for nokre veker sidan.
Ho teikna mønsteret og valgte fargar, og eg klipte ut og sydde saman.
Alt vi har brukt er litt filt, fire bitar med band, nokre perler og litt brodertråd.
Ja, så putta vi litt vatt inni og festa nokre knappar til pynt på banda som heng ned.
Sidan gjekk vi på butikken og kjøpte hårspenner, som Storesøster med glede festa fast.
Og i morgon er det bursdagsselskap for bestevenninna, og det blir stas å gi bort denne!
Det er ein dings til å henge på for eksempel badet eller andre stader småjenter fiksar håret,
og på den kan du henge alle hårspennene som ellers har ein tendens til å vere både her og der 
og overalt, bortsett frå akkurat der du treng dei.. ;) Eller..?
Idèen er i alle fall henta i denne supre boka!

I dag har vi kosa oss masse i hagen, og eit forfalle, gammalt, lite hus har funne vegen heim til oss...
Vi har litt av eit prosjekt framfor oss! Eg satsar på å få tatt nokre før-bilder snart, og så skal vi vel få litt meir orden på det i løpet av sommaren. Ganske snart håpar eg eigentleg, men vi kan nok vere litt treige.
Den gamle dukkestua har stått i ein hage litt borti vegen her, og har vore ubrukt i over tjue år!
Eg har trilla tur forbi den hagen så veldig mange gongar, og har hatt så lyst til å overta det huset!
Og veit du, ein dag var det ei dame ute i hagen der og arbeidde, og eg stansa for å snakke litt med henne...
Det førte til at eg faktisk fekk heile dukkestua! Gratis! :) Jippi!
Dei var berre glade for at nokon ville ha den, og det forstår eg godt!
No får dukkestua eit nytt liv, og hagen deira eit mindre forfalle uttrykk..
Eg er sååå glad!

Håpar du får ei god veke!

7 kommentarer:

  1. Så heldige dere er som har fått dukkestue!

    SvarSlett
  2. Så fiiiin ein liten dings de har laga! Praktisk er han òg, det kan eg skrive under på, med to småjenter i hus..;-) Lenge sidan eg har kommentert her inne no - men er titt og ofte innom her, har berre ikkje overskotet til å vere så aktiv for tida... Men eg kjem nok sterkare att:-)

    Klem til deg!

    SvarSlett
  3. Fin og praktisk sak :-) En sånn tror jeg vi må lage her i heimen og!

    SvarSlett
  4. Så fin den blei! Kjempefin gåve til ei lita prinsesse!

    SvarSlett
  5. Så fin! Takk for inspirasjon:-)

    SvarSlett
  6. Så fin spenne-blomst dere har laget! Det var virkelig en god idè! Smart og fint!! :)

    Så heldige som fikk arve lekestue da! Ser gjerne bilder :)

    Klem fra Hedda

    SvarSlett
  7. Så fin gave dere har laget! Det blir stas å gi bort Ü
    Og så fin gave dere har fått! Ei gammel dukkestue med masse historie (og sjarm er jeg sikker på). Lykke til med å sette den i stand. Skulle ønske vi også hadde plass til noe slikt. Kjenner jeg begynner å bli litt lei av fuglekasselivet. Men jeg skal egentlig ikke klage, vi har det fint. Men dukkestue og stor trampoline, det kan vi ikke ha.
    Ha ei god uke!

    SvarSlett



blogger template by lovebird