mandag 20. januar 2014

Barnevev av restegarn

Små og enkle ting kan vere verkeleg fine! Denne veven laga Anna for lenge sidan, og den heng på stova, til glede for både hjarte og auge! Den er laga så enkelt som at to pinnar er lagt i kryss, og så trur eg den gule tråden innerst er surra for å feste dei saman. Så har ho surra og vevd med ulike garnrestar, og fargane er så fine! Eg likar så godt den litt duse blågrøne mot den sennepsgule, og det lille hintet av glitter, og litt raudt og knallblått for å gi kontrast…. Det er rett og slett slik at mange av fargane ho har brukt her plukkast opp i detaljar ellers i stova, som den lyseblå puffen, den gule lampa, den raude stolen, putene i sofaen… Joda, eg likar godt fargar! Og då er det godt å ha kvite veggar og lyst golv som lerret!
Det har vore ein intens mandag, og dei neste dagane blir Alfred heime for å bli i form til kvardagen og barnehagen igjen. No kjenner eg det er kvelden, og vurderer ein deilig dypp i badekaret før leggetid. Det gjer godt! Men atter ein gong; takk for at de er innom her! 
Ønskar deg ei strålande veke!

2 kommentarer:

  1. Hei! Tusen, tusen takk for den fine kommentaren din, og tusen takk for at du er tilbake! Gleder meg så til å følge deg videre Ü Glade farger og fine ord, det er deg, det!
    Også så fint du har fått det her på bloggen. Er ørlite grann misunnelig på layouten. Kanskje burde jeg få fart på meg, og få freshet litt opp på bloggen Ü

    Klem fra Guro

    SvarSlett



blogger template by lovebird